4 сарын 26. Шилдэг 5 тоглолт.

4 сарын 25. Шилдэг 5 тоглолт.

4 сарын 24. Шилдэг 5 тоглолт.

Top 10 plays in April 23.

Top 10 plays in Playoff first weekend.

4 сарын 22, Шилдэг 5 тоглолт

Өнөөдөр плэйоффын эхний тойргын хоёр дахь тоглолтууд болж дууслаа. Маргаашнаас эхлээд гурав дахь тоглолтууд болж эхэлнэ. Өнөөдрийн шилдэг аравт супер супер даанкууд их оржээ. Жош Смитын данк үнэн аймар байсан. Хамгийн гоё нь миний хувьд тэр байсан.

4 сарын 21. Шилдэг 5 тоглолт.

Энэ нь манай монголын цагаар өнөө өглөө буюу 4 сарын 22-ны өглөө болсон тоглолтууд юм.

4 сарын 20. Шилдэг 5 тоглолт.



Тайрус Томасын хийсэн блок ямар аймар байваа. Аллений шидэлт ч гэсэн тасархай байсаан.
Бостон Чикагогын тоглолт ч ширүүн болох төлөвтэй шүү.

4 сарын 19. Шилдэг 5 тоглолт

Монголын цагаар 4 сарын 20-нд болсон тоглолт.
АНУ-гийн цагаар 4 сарын 19-нд болсон.

NBA Chess

Плэйоффын эхний өдөр. Шилдэг 5 тоглолт

Сонирхолтой, бүр сонирхолтой НБА

Улирлын тоглолт дуусчихлаа. Өдөр болгон Яахоо руу орж тоглолтын мэдээллийг нь харж, завтай өглөө НБА гаргадаг хэдэн сувгаараа тоглолт гарч байвал үзэж суусаар улирлын 2460 тоглолтыг дуусгалаа. Болсон тоглолтын үр дүнг харж, багууд хэддүгээр байрт явааг ажиглаж, дотроо битүүхэн таамаглаж, бас ч дэмжээд байгаа хэдэн багаа хэрхэн тоглохыг нь харсаар уйдах завгүй өнгөрүүлсэн улирлын тоглолт байлаа.

Харамсалтай, сэтгэл догдлуулсан, бахархмаар зүйлүүдээр дүүрэн улирал болсон гэж би дүгнэж байна.

Өрнөд дорнод хоёр бүсийг тэргүүлсэн хоёр багийн хувьд гэвэл хоюулаа энэ улиралд гайхамшигтай байлаа. Тэр тусмаа Клийвлэнд Кавалийрсийг энэ улиралд ингэж тоглоно гэж ёстой хэний ч санаанд ороогүй байх. Ийм бүрэлдэхүүнтэй баг энэ зэргийн тоглолт үзүүлнэ гэдэг бол нэг талаас нь авч үзэхэд багийн манлайлагч Жэймс-тэй 100% холбоотой, мөн нөгөө талаас тайлбарлахад бусад багууд муу байна гэсэн үг. Тэд нийт 66 ялалт байгуулсаны дотор өөрийн талбайдаа хийсэн 41 тоглолтийнхоо 39-д нь ялсан байх юм. Гайхамшигтай биш гэж үү. Тэр ч байтугай 39 биш 40 хожиж болох л байсан. Улирлын хамгийн сүүлийн, тэртэй тэргүй тодорхой болсон тоглолтонд багийн гарааны бүрэлдэхүүн бараг тоглоогүй, тэр дотроос Жэймс нэг ч минут тоглоогүй учраас хожигдсон байх. Гэхдээ 66 67 хоёрын хооронд ялгаа байхгүй л дээ. Тэртэй тэргүй хожлийхоо тоогоор НБА-г тэргүүлэх нь тодорхой болсон байсан л даа. Эцэст нь хэлэхэд: Гайхамшигтай байсаан.

Нөгөө бүсээс харин Лейкерс маань 65 хожин түрүүлж, уясан эзэн унасан хүүхдээ баярлууллаа. хэхэ. Лэйкерс 65 хожиход хэн ч нээх их гайхахгүй байгаа нь анзаарагдсан. Тиймээ тэртэй тэргүй Коби ахлагчтай, тэгээд ийм бүрэлдэхүүнтэй баг, нээх их гайхаад байх зүйл алга даа. Улирлын дунд Байнумыг гэмтэхэд ноднингийнх шиг юм болох вий гэж айж л байлаа. Гэхдээ улирлын сүүлээр Байнум ч орж ирсэн, тоглолт нь ч муугүй байгаа нь харагдлаа. Тэгэхээр НӨҮ ПРОБЛЕМ. Машиндаад байх л үлдлээ.

Өрнөдийнхэн энэ удаад өнгөрсөн жилийнхтэй адилаар бас л нэгийгээ үзэж нэхий дээлээ зулгаалцаж, цусаа урсган байж цааш өрсөлдөх эрхээ олж авцгаасан. Улирлын тоглолтын хамгийн сүүлийн өдрийн тоглолтийн үр дүнгээр л 2-7 - р байруудад ямар баг орох нь шийдэгдэж байх шив дээ. Сонирхолтой биш гэж үү.

Өрнөдийнхэн хожлийн тоо нь энэ улиралд өнгөрсөн жилийнхтэй харьцуулахад бага зэрэг буурсан харагдсан. Хоорондын асар хүчтэй тэмцэл нь үүнд нөлөөлөө биз дээ бодвол. Жишээ нь өнгөрсөн жил Алтан мужийн дайчид 48 ялалт байгуулсан хирнээ Плэйоффын гадна үлдэж, 9-р байранд орж байсан бол энэ жил наймдугаар байраар шалгарч байгаа Юта Жаз 48 хожсон байна. Өнгөрсөн жил эхний найман баг 50+ хожсон, түүний дотор нэгээр шалгарсан Лэйкэрс 57 хожиж байсан бол энэ улиралд эхний 6 баг 50-иас дээш хожиж, харин эхний баг нь бусдаасаа арай тасрах маягтай 65 хожлоо.

Дорнодынхон бол угаасаа л өрнөдөөсөө жаахан сул байсан, энэ жил ч гэсэн энэ нь хэвээрээ л байна. Өнгөрсөн жилийнхээс арай чангарсан байж болох юм. Хоёр баг нь 60-аас дээш хожсон, ганцхан баг 50-с дээш хожсон, бусад плэйоффд шалгарсан багууд нь 39-47 -гийн хооронд хожицгоожээ. Жишээ нь өнгөрсөн жил Алтанта Хавкс 37 хожиж бүсийнхээ наймаар шалгарч байсан бол энэ жил ч гэсэн нэг их дээрдээд байх юмгүй, Детройт 39 хожиж наймаар шалгарчээ. 4-т шалгарсан Атланта хэрэв өрнөдөд байдаг байсан бол Плэйоффийн гадна үлдэнэ гэх жишээний. Чанарын ялгаа харагдаад л байгаа юм, тэгсэн хирнээ л Дорнодын баг аварга болчихоод байгаа юм.

Багуудийн хувьд нэг иймэрхүү. Харамсалтай бэртэл гэвэл Финиксийн Студмаер, Спурсын Жинобили хоёр шив дээ. Хэрэв Амаре тоглосоор байсан бол Санс урьд урьд жилүүдийн адил Плэйоффд өрсөлдөх л байлаа, харин Жинобили гэмтээгүйсэн бол Спурс сондгой тоотой жилийхээ амжилтыг үргэлжлүүлэх байсан юм.

Энэ улиралд Дээни Грэнжэр, Брэндон Роу, Кевин Мартин, Нэйт Робинсон, Андрью Байнум тэргүүтэй залуучууд өөрсдийгээ харуулж, ирээдүйд лийгийн өнгө төрхийг тодорхойлох болно гэдгээ хэлээд ч байх шиг. Бэртлээс эргэн ирсэн Вэйд онооны лидэр болж, багаа өнгөрсөн жилийнхээс нь 28-аар олон хожуулсанаар плэйоффт чирсээр гаргаж ирсэн бол өөр нэг тэсрэлт нь Орландо Мэжик, Атланта хавкс, Портлэнд Трэйл Блазэрс багууд байсан гэж бодож байна. Бас Деррик Роүс, Майкл Бизли, Өү.Ж.Майо нарын рүүки тоглогчид сайхан тоглож, багагүй ирээдүй бий гэдгийг харууллаа. Улирлын тоглолт өрсөлдөөнтэй, үзүүштэй, сайхан болсон, бүх оддын тоглолт сайхан болж өнгөрсөн гээд энэ улирлын тоглолт бол дүгнэж хэлэхэд онц гэсэн үнэлгээ авахаар улирал байсан гэж бодож байна.

Энэ улирлын хувьд товчхондоо нэг иймэрхүү. Одоо плэйоффд шалгарсан багууд нь өрсөлдөөнөө цааш үргэлжлүүлж, шалгараагүй багууд нь ирэх улиралдаа бэлтгэж, амарцгаана.

Хойтонгийн улирлын тоглолт хол байна даа хол байна.

'HD ain't got nothin' on the NBA Playoffs'

Хэрэв нэг л өдөр ...

Хэрэв нэг л өдөр монголд хулхи буюу албан ёсны бус програм хангамж хэрэглэхийн эсрэг арга хэмжээ авагдаад, хулхи програм хангамж хэрэглэсэн хэн бүхнийг шийтгээд эхэлбэл яах бол? Монголын компьютер хэрэглэгчид бараг л бүгдээрээ шоронд орох байх даа ( Линукс хэрэглэгчид үүнд орохгүй ). Би ч мөн л адил.

Жишээ нь гэхэд миний компьютер дээрээ суулгаад crack-дчихсан програм хангамжуудын үнэ нь лав 2000$ -с давж байна. Виндовс Виста Хоум Премум үйлдлийн систем нь компьютертэйгээ дагалдаж ирсэн гэвэл бусад худалдаалагддаг програм нь:


  • Tuneup Utilities 2009 - 30$
  • ACD See pro 2.5 - 130$
  • MS Office 2007 Enterprise - 600$
  • Sony Soundforge 9.0 - 300$
  • Winamp Pro 5.55 - 30$
  • Premiumsoft Navicat for MySQL Enterprise 8.0.28 - 140$
  • Winrar - 20$
  • Kaspersky Internet Security 2008 - 60$
  • MS Visual Studio 2008 professional - 550$
  • NBA 2k9 - 20$
  • Internet download manager - 25$

гэх мэтээр явж өгөх юм байна. Эд бүгдийг би кракдаж хэрэглэж байгаа гэхээр хүний оюуний бүтээлийг мөн ч их хулгайлж байгаа хэрэг болж таарах байхдаа.

Хууль бус програм хангамжийн эсрэг арга хэмжээ авагдаад эхэлбэл бид үнэгүй програм руу шилжихээс өөр аргагүй болно. Бид нарын хэд нь компьютер дээрээ бичиг баримт боловсруулахын тулд 600$-ээр програм худалдаад авчих чадалтай билээ дээ.

Open Office: Бичиг хэрэг боловсруулах програм. Microsoft Office програмаас нэг их дутаад байх юм байхгүй. Микрософт Оффис дээр хийдэг бүх л ажлийг хийж болно.

VLC Media Player: Дуу сонсох болон видео үзэх. Бага зэрэг алдаатай юм шиг санагдсан. Гэхдээ засагдах биздээ. Хөгжүүлэлт алдаагүйжүүлэлт нь хийгдэж байгаа юм хойно. Виндовс Медиа Плейрийг бүрэн орлочихно. Эсвэл K-Lite Mega Codec хэрэглэж болох л юм. Энэ нь ч бараг дээр биздээ.

Winamp Free edition хэрэглэж болно.

7zip: Winrar Winzip гэх мэтийн худалдаалагддаг архивийн програмтай дүйцэх програм.

Avira, AVAST Free, BitDefender Free, AVG Free, PC Tools Free antivirus: Эд бүгдээс аль нэгийг нь сонгоод хэрэглэж болно. Хэрэглэж үзээгүй болохоор ямар гэдгийг нь сайн хэлж мэдэхгүй байна. Худалдагддаг хувилбарууддаа арай хүрэхгүй байх. Гэхдээ л хоосон байснаас дээрдээ.

Gimp: Photoshop - г орлож чадах зураг засдаг програм.

Daemon Tools Lite: Виртуал Драйвэр үүсгэдэг үнэгүй програм.

За энгийн хэрэглээнд нэг иймэрхүү програмууд ашиглаад анхан шатны хэрэгцээгээ хангачихаж болно. Хэрэв програмчлал оролддог бол Java, PHP орчны бүх л хэрэгцээтэй хэрэгслүүд үнэгүй олдоно. Мөн MySQL-өгөгдлийн сантай ажилладаг програм ч үнэгүй.
MYySQL дээр DB Designer их дажгүй, үнэгүй хэрэгсэл байна лээ.

Харин Windows орчны програмчлал оролддог бол Микрософтийн бүтээгдэхүүнийг худалдаж авахаас өөр аргагүй юм.

Хэрэглэх програмууд ингээд болчихно гэж бодоход эд бүгдийг ажиллуулах үйлдлийн систем хэрэгтэй болно. XP болон Виста - г худалдаж авна. Харин өмнөх үеийн үйлдлийн системийг Микрософт чөлөөлсөн гэж сонссон. Тэхээр Виндовс 98 ч юм уу МЕ үнэгүй олдож болох л юм.

За хэрэв үнэхээр шалгаад эхэлбэл хариуцлага хүлээхгүй байж болох боллоо. :)

Belle

Дэлхийн хамгийн сайн хөлбөмбөгчин

Миний мэдэх дэлхийн хамгийн сайн хөлбөмбөгчин бол Зидан. Түүний жинхэнэ нэр нь Зинадин Язид Зидан. Алжир гаралтай энэ хөлбөмбөгчин 1972 оны 6 сарын 23-нд Францын Марсель хотод төржээ.

Зидан Франц болон Алжир улсын давхар иргэншилтэй бөгөөд анх Алжир улсын шигшээ багт тоглох хүсэлтэй байсан боловч тухайн үед Алжирийн шигшээ багийн ерөнхий дасгалжуулагч байсан Абделхамид Кермали түүнийг багтаа уриагүй ажээ.

Ингээд Зидан Францийн шигшээ багийн бүрэлдэхүүнд багтах болж анхны тоглолтоо 1994 оны 8 сарын 17нд Чехийн шигшээ багийн эсрэг тоглолтонд хийж байжээ.

98 оны дэлхийн аварга дээр гялалзсан тоглолтыг үзүүлж түрүүлсэн францын шигшээ баг энэ эрчээрээ 2000 оны европын аварга болсон юм.

Харин 2002 оны дэлхийн аваргад шигшээ багийнхаа хамт Япон-Солонгост болсон дэлхийн аваргад хүрэлцэн ирсэн Зидан бэлтгэлийн тоглолтын үед бэртэл авсан юм. Энэ дэлхийн аваргаас Францын баг оноо авч чадалгүй нутаг буцсан нь Зиданы бэртэлтэй 100% холбоотой юм. Уг нь Францад Тэри Анри, Дэвид Трезигэ, Патрик Вера гээд шилдэг тоглогчид бишгүй л байсан даа.

2004 оны Европын аваргад Зидан тэргүүтэй Францын шигшээ баг тус тэмцээнд түрүүлсэн Грекийн багт хожигдож хасагдаж байлаа.
Гэхдээ энэ тэмцээн дээр хэсэгтээ Английн шигшээ багтай хийсэн тоглолтонд 1-0 ээр хожигдож явсан Франц сүүлийн хэдхээн минутад Зиданы хийсэн хоёр бөмбөгийн ачаар 2-1 ээр ялж байлаа. Зидан эхний бөмбөгөө хаалтай цохилтоос оруулсан бөгөөд хаалгандаа гоол алдаад шооконд орсон англичуудын алдааг дахин ашиглаж довтолгоо хийгээд, энэ довтолгоон дээр Трезигэг торгуулийн талбай дотор унагаасан учраас 11 метрийн торгуулийн цохилтоос хоёр дахь бөмбөгөө оруулж байлаа. Хэдхээн хоромын дотор хувь заяа нь эргэсэн энэ тоглолт үнэхээр биширмээр байсан шүү.

Харин энэ тэмцээний дараа Зидан шигшээ багтаа дахиж тоглохгүй гэдгээ зарласан юм.

Гэвч Францын баг 2006 оны Хөлбөмбөгийн ДАШТ-ий урьдчилсан тэмцээнд маш муу тоглож, ДАШТ-д оролцох эрхээ олж авч чадах эсэх нь эргэлзээтэй болоод байсан үед Зидан буцаж ирсэн юм. Шигшээ багаасаа зодог тайлаад байсан хагас хамгаалагч Клод Макелеле, хамгаалагч Лилиан Тюрам нарын "алтан үе"-ийнхэн ч бас багтаа буцаж ирэв. Ийнхүү 2005 оны 9 сарын 3-нд Фарерын арлын багийг 3-0-ээр хожсоноор Францын баг Германыг зорих эрхтэй болсон юм.

2006 оны 5 сарын 27-нд Францын баг Мексикийн багийг Сен-Дени дэх Стад де Франц цэнгэлдэх хүрээлэнд 1-0-ээр хожиход Зидан шигшээ багийнхаа хувцсыг 100 дахь удаагаа өмссөн байна. Ийнхүү тэрээс Францын тамирчдаас Марсель Десайи, Дидье Дешам, Лилиан Тюрам нарын дараа зуугийн босгыг давсан дөрөв дэх хүн болжээ.

Ингээд германийг зорьсон Францын шигшээ баг хэсгээсээ шалгараад Бразил, Испани, Португалийн багуудийг хожиж шигшээд шалгарсан билээ. Испаний багтай тоглоход Зидан нэг гоол, нэг гоолийн дамжуулалт хийсэн, Бразилтай тоглоход мөн л хожлийн цор ганц гоолийн дамжуулалтийг хийсэн, Португалитай хийсэн тоглолтонд мөн л хожлийн ганц гоолийг хийсэн нь түүнийг дэлхийн хамгийн сайн хөлбөмбөгчин мөн гэдгийг баталсан гэж би боддог.
Нэмж хэлэхэд Бразилтай хийсэн тоглолтонд ногоон талбай дээр бүжиг хийдэг хэмээн яригддаг өмнөд америкийн шилдэг багийн эсрэг бүжиг яаж хийдгийг үзүүлсэн юм. Ур чадвар нь гайхалтай байсан шүү. Тэр тоглолтыг би л лав мартахгүй ээ.
Шигшээ тоглолтонд шалгарсан Францын багийн өрсөлдөгч нь Италичууд байсан бөгөөд энэ тоглолтийн 7 дахь минутад Зидан торгуулийн цохилтоор гоол оруулсан бөгөөд ингэснээр дэлхийн аваргийн шигшээ тоглолтонд 3 гоол оруулсан амжилтаар Вава, Жефф Харст, Пеле нартай мөр зэрэгцсэн байна.

Гэхдээ нэмэлт цаг сунгасан энэ тоглолтын 110 дахь минутад Италийн шигшээ багийн хамгаалагч Марко Матерацциг талбай дээр цээж рүү нь мөргөж унагааснаар улаан хуудсаар торгуулж талбайгаас хөөгдлөө. Энэ нь Зиданы хамгийн сүүлийн тоглолт нь болсон.
Талбай дээр тэр хоёрын хооронд яг юу болсныг хэн ч мэдэхгүй ч гэсэн уруул уншигчдийн дүгнэлтээр Матерацци Зиданыг алан хядагчаар нь дуудаж доромжилсон гэж үзсэн билээ.
Ингээд тоглолтын үндсэн цагт 1-1 ээр тэнцсэн хоёр баг Пеналт цохиж аваргаа тодруулах болсон юм. Торгуулийн цохилтон дээр Дэвид Трезигэ шон онож тэнэгтээгүй бол уг нь Франц дэлхийн аварга болох байсан байх. Зидан энэ дэлхийн аваргаас алтан бөмбөгийн шагнал авсан юм.

Шигшээ тоглолт болж байсан цэнгэлдэх хүрээлэнгийн хойморт дэлхийн аваргийн цомыг залсан ширээний хажуугаар талбайгаас хөөгдсөн Зидан явж байгаа энэ дүр зураг магадгүй түүний хамгийн өрөвдөлтэй, хүнд байдалд орсон үе байх.

Гаргасан амжилтууд:

Дэлхийн аварга шалгаруулах тэмцээн:
  • Аварга 1998
  • Дэд аварга 2006
  • Оролцсон 1998, 2002, 2006
Европын аварга:
  • Аварга 2000
  • Оролцсон 1996, 2000, 2004
Ювентус багийн бүрэлдэхүүнд:
  • Италийн лиг - Serie A-гийн аварга (скудетто): 1996/1997, 1997/1998
  • Европын Супер Цом: 1996
  • Тив Хоорондын Цом: 1996
  • Италийн Супер Цом: 1997
Реал Мадрид багийн бүрэлдэхүүнд:
  • Испанийн Супер Цом: 2001, 2003
  • УЕФА Аваргуудын Лигийн аварга: 2001/2002
  • Тив Хоорондын Цом: 2002
  • Испанийн лиг: Ла Лига-гийн аварга: 2002/2003
  • Европын Супер Цом: 2002
Хувийн шагналууд:
  • ФИФА Оны шилдэг хөлбөмбөгч: 1998, 2000, 2003
  • Европын шилдэг хөлбөмбөгч (Алтан бөмбөг): 1998
  • УЕФА Аваргуудын Лигийн шилдэг тоглогч: 2001-2002
  • УЕФА-ийн 50 жилийн ойн санал асуулга (Европын сүүлийн 50 жилийн шилдэг тоглогч): 2004
  • ФИФА ДАШТ Алтан бөмбөг шагнал: 2006