LTE сүлжээ гэж юу вэ?

3 Хоногын өмнө Харилцаа холбооны зохицуулах хорооноос гар утасны оператор компаниудад үүрэн холбооны 4G LTE, LTE-A үйлчилгээ эрхлэх эрхийг нь өгснөө сайтаараа дамжуулан мэдэгдсэн юм. Үүнээс 1 хоногын дараа Мобиком компани энэхүү үйлчилгээг энэ оны 2-р улирлаас эхлэн хэрэглэгчиддээ хүргэхээ мэдэгдсэн бол Юнител 4G түрүүлж алхана гэсэн рекламаа мөн л цацлаа. Бодвол бусдаасаа түрүүлээд үйлчилгээгээ эхлүүлэх бололтой юм. Хэн нь түрүүлдэг нь хамаа алга, юутай ч энэ бол үүрэн холбооны дараагын дэвшилтэт үе мөн тул хэрэглэгчийг гар утасны хэрэглээний шинэ төвшинд аваачих нь ойлгомжтой. Монголд л шинээр хэрэгжиж эхлэх гэж байгаа боловч энэ нь одоогоос 10 гаран жилийн өмнөөс хөгжүүлэлтийг нь хийж эхэлсэн, хэрэглээнд нэвтрээд 10 жил болж байгаа сүлжээ бөгөөд Өмнөд Солонгосчууд нэлээн хэдэн жилийн өмнөөс LTE-н дараагын 5G сүлжээг хөгжүүлээд эхэлсэн юм. Бодвол одоо тэндээ хэрэглээнд нэвтрэх дөхөж байгаа байх. 

LTE - Long Term Evolution

4G LTE нь сүлжээний GSM/EDGE болон UMTS/HSPA техологи дээр суурилсан гар утасны өндөр хурдтай утасгүй холбооны стандарт юм. Энэ нь үүрэн холбооны 4-р үеийн сүлжээ бөгөөд (4th Generation = 4G) өмнөх 3-р үеийн сүлжээнээс (3G) татаж авах (download), илгээх (upload) хурдаар эрс өндөр. LTE-г хөгжүүлж өргөтгөөд LTE Advanced буюу LTE-A сүлжээг мөн бий болгосон юм. 

Хэрэглэгч энэ сүлжээнд холбогдож өндөр хурдны интернетийг хэрэглэхийн тулд юуны өмнө тухайн хэрэглэгчийн хэрэглэдэг үүрэн холбооны оператор тухайн байрлалд LTE сүлжээгээ нэвтрүүлсэн байх шаардлагатай мөн хэрэглэгч LTE сүлжээнд холбогдож чадах гар утас эсвэл USB Dongle төхөөрөмжтэй байх ёстой. Өөрийн хэрэглэдэг гар утсаа LTE сүлжээнд холбогдож чадах эсэхийг мэдэхийг хүсвэл утасны үзүүлэлт хардаг gsmarena.com, phonearena.com гэх мэт сайтуудаас утасныхаа модел дугаараар нь өөрийн утсаа хайж олоод, Network хэсгийг үзэх шаардлагатай.

Энэ сүлжээний давуу тал: Хурдан интернет гэдэг эрх чөлөө гэдгийг хүн бүгд мэднэ. Хүлээлгэж цаг алдахгүй хугацаагаа хэмнэх, Netflix гэх мэтийн entertainment stream-г гар утсан дээрээсээ гацалтгүй HD форматаар үздэг болох, том хэмжээний өгөгдлийг хурдан хугацаанд татаж авах, илгээх, ярианы чанар сайжрах гээд л тоочоод байвал зөндөө. 

Дутагдалтай тал: Хэрэглэж үзээгүй болохоор одоогоор тийм ийм гэж ярьвал худал ярьсан болно. Гэхдээ юун түрүүнд хэрэглэгч LTE хэрэглэхийн тулд LTE гар утастай байх хэрэгтэй. Манай оператор компаниудын дата үйлчилгээ өндөр үнэтэй, багцад дагалдах дата хэмжээ бага тул өндөр хурдтай интернет хэрэглэснээр дата нь хурдан дуусна. Энэ бол нийтийг хамарсан асуудал тул операторууд нэг шийдэл олж л таараа. Мөн LTE хурд нь төсөөлсөн хэмжээнд хүрдэггүй гэж өндөр хөгжилтэй орны хэрэглэгч нар гомдоллодог аж. LTE нь төрлөөсөө хамаараад 100-300Mbps хурдаар холбогдоно гэж тодорхойлдог боловч бодит амьдрал дээр энэ хурдандаа хүрдэггүй гэнэ. АНУ-н New York-д Verizon-н LTE гэхэд дунджаар download 30.1Mbps, Upload нь 17.6Mbps байдаг байна. Манай операторуудын QoS магтаад байхаар биш, Монголын интернет урсгал өндөр биш тул LTE-н хурд нь өөрсдийнх нь зөгнөөд байгаа шиг нисээд байх нь юу л бол. Гэхдээ 3G-тэй харьцуулахад ч хурдан болох нь болно л доо.

LTE нэвтрээд эхлэнгүүт үйлчилгээ үзүүлэгч компаниудын дата багц, үнэ тариф нь шинэ технологидоо нийцэж өөрчлөгдөх нь мэдээж. Энэ өөрчлөлт нь хэрэглэгч бидэндээ нааштай эерэг өөрчлөлт байгаасай. Хурай хурай

Луувангаас амттай зүйл бий.

Юнивижний гурвалсан үйлчилгээг хэрэглээд бараг 4 жилийнхээ босгон дээр гурвалсан үйлчилгээнээс татгалзаж, зөвхөн IPTv үлдээгээд, интернетээ өөрчилсөн юм. Ингэх болсон хэд хэдэн шалтгаан байсан:

1. Юнивижний интернет заагдсан доод хурд буюу 3mbps-дээ хүрэхээ больсон.
2. FTP Protocol ашиглах боломжгүй. Холболт тогтож байгаа гадаад IP хаяг нь байнга солигддог учир FTP холболт болдоггүй гэсэн хариултыг инженерээс нь авч байлаа.
3. Android device-с Play store руу ихэнх тохиолдолд холболт хийгддэггүй байсан.
4. Хурд нь жигд биш байсан тул интернет stream-р (sopcast, acestream) хөлбөмбөг болон бусад олон спортын тэмцээн үзэж чадахгүй гацдаг байсан.
5. Smartbox-ныхоо access-г өгдөггүй учраас өөрөө сүлжээгээ тохируулах, хэрэглэгчдээ хянах боломжгүй. Гэрийнх нь сүлжээнд өөр нэг хэрэглэгч холбогдсон байсан талаар jnaya бичиж байсан санагдана.

Эдгээр шалтгаануудын улмаас Мобинетийн интернетийг гэртээ 1 жилийн гэрээгээр тавиулж, Юнивижнээс зөвхөн IPTv-г нь үлдээсэн билээ. IP утсыг бол бараг л ашигладаггүй байсан, гар утсаа хаа нэгтээ тавиад олохгүй байгаа үедээ л залгаж, гар утасныхаа байршлыг нь тогтоодог байсан гэвэл хилсдэхгүй.

Мобинетийг сонгосон шалтгаах: Өчнөөн олон ISP компани байхад яагаад заавал Мобинет гэж???

1. Хурд нь унадаггүй, жигд, тасалдалгүй байдаг гэдгийг олон жил хэрэглэсэн найзаасаа олж мэдсэн
2. Mobinet Booster үйлчилгээг ашиглаад багахаан мөнгөөр хурдаа өөрийн хэрэгцээндээ тааруулан 10mbps, 15mbps, 20mbps болгож нэмэх боломжтой байсан. Энэ бол эдний үйлчилгээг сонгосон хамгийн том давуу тал байсан гэж хэлж болно. Учир нь Sopcast, Acestream өндөр хурдны live stream үзэхэд шаардлагатай хурдыг гаргаж чадна гэж үзсэн.
3. Өмнөх үйлчилгээнээс хямд мөртлөө хурд нь өндөр байсан
4. Манай байранд сүлжээ нь орсон байсан
5. Төлбөрийн нөхцөл нь бас уян хатан, мобикомын төлбөр төлөх суваг нь олон сонголттой. Дараа төлбөрт үйлчилгээг сонгож гэрээ хийвэл сарын төлбөр нь гар утасны төлбөр дээр нэмэгдээд л гарчихна, утасны төлбөрөө төлөхдөө хамт төлчих учир ямар ч асуудалгүй. 
6. Wifi router-ээ өөрөө тохируулах, хянах боломжтой. 
7. 1 жилийн гэрээ хийвэл WIFI Router бэлгэнд үнэгүй дагалддаг. 
   

Ингээд гэртээ Мобинетийн интернеттэй болж, дээр дурьдсанчлан хязгаарлагдаж байсан асуудлуудаасаа салж интернетийн эрх чөлөөгөө эдлэх болсон билээ. 3 сар гаран хэрэглэхэд хурд нь удааширсан, саатсан, бухимдуулсан зүйл лав гарсангүй. Stream-р Английн Пример Лигээ өндөр чанартайгаар үзээд их таатай байгаа. Луувангаас амттай зүйл бий гэдэг дээ. Үнэн бололтой

Тоглолтоо ПС дээрээ #skysports -н дамжуулалтаар англи тайлбартай үзэх гэж байна. Зарим нэг #TuneUp хийсний ачаар ингэж шууд стрийм үздэг болсон. Энэ талаар дараа бичье. KEEP CALM BECAUSE IT'S MATCHDAY. #TOTNEW #COYS

Posted by Bat Erdene Purevdorj on Sunday, December 13, 2015

Бяцхан харьцуулалт.

ISP	Speed	IP Phone	Price	Comment
Univision Гурвалсан үйлчилгээ	3mbps	Yes	29900
Mobinet Internet + Univision IPTv	5mbps	No	9900(IPTv)+16500(Internet) = 26400	Хурдаа шаардлагатай үедээ Booster-р нэмэгдүүлэх боломжтой

Аан сониноос өнөөдрөөс эхлээд Юнивижны гурвалсан үйлчилгээний интернет нь Дата хязгаартай болсон байх шиг байна. Гэхдээ би лав нээх сонирхоогүй, угаасаа надад хамаагүй асуудал.

Тюриний шагнал (Turing awards)

Өнгөрсөн бүтэн сайн өдөр The Imitation Game киног үзлээ. 2014 онд нээлтээ хийсэн Оскарын шагналтай энэ киноны үйл явдал нь дэлхийн хоёрдугаар дайны үед Британы тусгай алба математик, шатар, хэл шинжлэлийн хамгийн шилдэг мэргэжилтнүүдийн баг байгуулан Нацист Германы армийн мэдээллээ дамжуулахдаа ашигладаг "Энигма" шифрлэх машины (Enigma machine) нууцлалыг тайлахыг оролдож байгаа талаар гарч үйл явдал өрнөнө. Киноны гол дүр нь математикийн хосгүй авъяастан Кембрижийн их сургуулийн Алан Тюрин юм.

Тюрин нэрийг сонсвол өмнө хэзээ нэгтээ хаа нэгтээ жич танил байсан мөртлөө нэр нь орж ирэхгүй байгаа хүний царай шиг санагдаад байлаа. Хэн билээ юу билээ гээд бодоод бодоод олдоггүй, Тюриний онол гэж байдаг билүү гээд хайхад тэгж нэрлэгдсэн олигтой зүйл олдсонгүй. Гэтэл гэнэт Тюриний шагнал гэж оюутан байхдаа сонсож байснаа саналаа. Багш лекц эхлэхийн өмнөхөн Тюриний шагнал гэж байдаг, тэр нь компьютерийн салбарын "Нобелийн шагнал" юм гэдгийг товч ярьж байсан нь бүүр түүрхэн санагдаад байсан нь тэр байж. Товчхондоо өгүүлэхэд Alan Mathison Turing түүхэн хүн ба дэлхийн хоёрдугаар дайны үед Блечли паркд байдаг Британийн код тайлах төвд ажиллаж байсан  математикийн хосгүй мэргэжилтэн байсан бөгөөд энд ажиллаж байхдаа Энигмагын нууцлалыг тайлахын тулд зохион бүтээсэн машин нь өнөөгийн компьютерийн тооцооллийн анхдагч үндсэн арга хэрэгсэл байсан гэж үздэг юм.

Тюриний шагналын талаар товчхон: Тооцоолох Техникийн Холбооноос олгодог энэ шагнал нь Компьютер, электрон тооцооллын салбарт амжилт гаргасан хувь хүнд олгодог шагнал бөгөөд 1966 оноос эхлэлтэй юм байна. "Компьютерийн салбарын Нобелийн шагнал" гэж тодорхойлдог аж. 

50 жилийн түүхтэй энэ шагналыг энэ салбарын мундаг мэргэжилтнүүд авсаар ирсэн бөгөөд жагсаалтыг сонирхвол эндээс дэлгэрүүлж үзээрэй. 

Шагналын мөнгө нь 2007-2013 оны хооронд 250 000 ам.доллар байсан бөгөөд санхүүжүүлэгч нь Intel, Google нар байсан бол 2014 оноос шагналын мөнгө нэмэгдэж 1 сая ам.доллар болсон бөгөөд үүнийг Google даадаг.

VirtualBox -н Дискийн хэмжээг ихэсгэх

Virtualbox дээр суулгаж тохируулсан машины дискийн хэмжээ багадаад, нэмэх шаардлагатай болох, эсвэл хэмжээг нь багасгах шаардлагатай болбол виртуал ҮС суусан фолдер дотроо орж байгаад

VBoxManage modifyhd windows7.vdi --resize 102400

коммандыг ажиллуулна. Хэрэглэгч нь root биш бол sudo -горимоор ажиллуулна.

Хэрэв тушаал амжилттай биелэгдсэн бол

0%...10%...20%...30%...40%...50%...60%...70%...80%...90%...100%

дэлгэцэнд харуулж, ямар нэгэн алдаа гарахгүйгээр комманд төгсөнө.

Энд 
- windows7.vdi нь тухайн виртуал үйлдлийн системийн диск
- 102400 нь дискийг өөрчилсний дараах хэмжээ. 

VirtualBox дээр суусан Windows ҮС-д iPad холбох заавар

iPad -ндаа хэдэн ном хуулах санаатай ажил дээрээ авчирлаа. Ажлын ПС дээр Убунту 12.04 ҮС ажилладаг бөгөөд iTunes -н Linux хувилбар гэж байдаггүй юм байна. Тийм болохоор VirtualBox дээр суусан Windows 7 -д iTunes татаж суулгаад iPad -аа залгасан боловч орж ирэхгүй байна. 

Яаж оруулж ирдгийг нь жаахан үзлээ. Уг нь Guest Additional CD -г нь суулгасан болохоор шууд ороод ирнэ гэсэн үгүй байв.

Оруулж ирсэн заавраа оруулья.
 
1. VirtualBox дээр Guest Additional CD нь суусан байх ёстой. Виртуал машин ажиллаж байгаа цонхны Devices > Install Guest Addition ,,, цэсэн дээр дарахад л виртуалаар ажиллаж байгаа машины CDRom -д нь автомараар mount хийгдчихнэ. Тэрийг нь ажиллуулаад, сууж дууссаны дараа виртуал үйлдлийн системээ reboot хийгээд болно.

2. VirtualBox -н тохиргоон дээр USB -г нээнэ.

Зураг дээр байгаа Enable USB Controller, Enable USD 2.0 (EHCI) Controller сонголтуудыг сонгоно. Эдгээр тохиргоонуудыг сонгохын тулд виртуал компьютерээ унтраасан байх ёстой. 

3. Системд байх vboxusers групп-д өөрийгөө нэмнэ. Ингэхийн тулд System > Administration > Users and Groups рүү орж vboxusers груп руу орно. 

Ubuntu 12.04 дээр Gnome 3 ашигладаг болсон тул шаталсан бүтэцтэй цэс байхгүй, Users and Groups нь суугаагүй байдаг тул эхлээд суулгана.

Терминал дээр: 

sudo apt-get install gnome-system-tools 

коммандыг ажиллуулна.

Суулгасны дараа програмын жагсаалтаас Users and Groups -рүү ороод Manage Groups рүү орж vboxusers групыг жагсаалтаас хайж олоод Properties цэс рүү орж өөрийн үндсэн үйлдлийн систем дээрх хэрэглэгчээ vboxusers групд нэмнэ.

4. Хэрэглэгч нэмсэний дараа iPad -аа USB гээр нь залгаад виртуал үйлдийн системийн Devices > USB Devices цэс рүү ороход iPAD залгагдсан байна. 

 5. Виртуал машин руугаа орж iTunes -ээ ажиллуулана.

Ингээд ороод ирлээ. Одоо контентуудаа хуулах үлдлээ.

Samsung Galaxy S II i9100 battery problem solved

Samsung Galaxy S II i9100 загварын утсыг монголд их олон хүн барьдаг. Тэдний нэг нь би л дээ. 10 сар барьж байна. Хос цөмт процессортой болохоор маш хурдтай, гацна удна гэж байдаггүй тул утсандаа маш хайртай. 10 сар хэрэглэхэд ширхэг зураас ч гаргахгүй гамтай хэрэглэсэн.

Ганц өөлөх нь цэнэг муу барьдагт нь л сэтгэл дундуур явдаг байлаа. Утасны ердийн хэрэглээнд 1 өдөрт утсаар ярих, хааяа мессеж бичих, тухайн өдөрт амжуулах ёстой мартах гээд байгаа ажлаа Note дээр тэмдэглэж, тэрийгээ байн байн үзэх, засварлах, Wifi -г нь асааж интернетэд холбогдоод Twitter, Facebook, Instagram, photobucket, viber зэргийг ашиглах, хааяа юм оролдмоор санагдвал GPS асаах, хүүгээ санавал Gallery нээж хүүгийхээ зургыг үзэх гэх мэтээр хэрэглэгдэнэ.

Яг иймэрхүү хэрэглээнд өөрт нь дагалдаж ирсэн 1650mAh -тай стандарт battery нь 1 өдөрт л цэнэгээ барьж дийлдэг байлаа.

Утсандаа хийх нэмэлт баттерэй юу байна гэж гар утас сонирхогчдын форумаар хэсэж яваад Хонг Конгын Momax energy-н 2500mAh -тай баттерэйг хүмүүс хийгээд сайн үр дүнд хүрсэн тухай бичсэн байв. Ингээд энэ баттерэйг аваад утсандаа хийж үзлээ. Үр дүн тун дажгүй шүү. Хэдийгээр энгийн нокиа шиг 7 хоног цэнэгээ бариад алаад өгдөг болоогүй ч гэсэн 1650mAh - г 2500mAh болгосон болохоор маш сайн үр дүн гарлаа.

нөгөө баттэрэй маань энэ

2500mAh

Ард талаасаа

2012/07/13 9:20:54AM

2012/07/13 12:20:03 AM

2012/07/15 9:18:10 PM

2012/07/15 9:39 PM

2012/07/16 12:22:26 PM

2012/07/22 12:16:06 PM

Samsung Galaxy S II screen capture

Андройд 2,3,5 ҮС-тэй Samsung Galaxy S II утсан дээрээ дэлгэцийн агшны зургыг авдаг апп суулгамаар санагдав. Маркет дээр ийм төрлийн апп-ууд зөндөө байгаа боловч бүгд утсаа root хийсэн байхыг шаарддаг юм байна. Утсаа root хийснээр янз бүрийн хортой код чөлөөтэй ажилладаг болох гэх мэт асуудалтай тул хийсэнгүй. Тэгээд хайгаад үзтэл рүүт энээ тэрээ хийж апп суулгаж барьж хүндрэлгүйгээр өөрөө дэлгэцийн агшнаа авдаг боломж байдаг юм байна.

Дэлгэцийн агшныг зургаар хадгалж авахдаа:

Home товчлуурыг дарангуутаа Power Товчлуурыг дарна. Доорх бичлэг дээр ойлгомжтой тайлбарласан байна.

Авсан зургуудыг сонирхуулбал:

 

IP Tv-тэй хамтдаа

Гэртээ Univision тавиулчихлаа. Телевизийн хөгжлийн шинэ алхамтай хөл нийлүүлье даа. Болсон болоогүй юм бичих дуртай юм болохоор хэсэг хэрэглэж байгаад дүгнэлтийг нь бас бичнээ. Яаж зүгээр байхав ...

Recover root password in ubuntu

Нэг өдөр ажлын нэг сервер рүү ssh - ээр холбогдчихсон сууж байгаад, орой явахын өмнө терминалаа хаах гэтэл сервер маань үдээс хойш reboot хийгдээд холболт салсан байлаа. Гайхаад дахин ssh - ээр орох гэтэл root хэрэглэгчийн нууц үгийг сольсон байв. Системд маань халдлага хийж root эрхээр ороод нууц үгийг нь сольчихож гэсэн хардалт төрөв. Гэхдээ яаж ???

Энэ серверийг интернет хандалттай болгох гээд firewall дээр NAT хийчихсэн байсан нь халдлагад өртөх бай болоход нөлөөлсөн бололтой.
Ингээд хэрхэн root хэрэглэгчийн нууц үгийг сэргээх талаар судалж, хэдэн арга сонгоод туршиж үзэхээр сервер дээрээ өөрийн биеэр хүрэлцэн очиж дэлгэц, гар залгаад эхний аргыг хэрэглэсэн нь болчихлоо.

Урааа амархан юм байна!!! Сервер маань Убунту сервер 10,4 үйлдлийн системтэй байсныг энд хэлэх нь зүйтэй байх.

Ингээд дараа мартахгүйн үүднээс энд оруулаад баримтжуулчихья.

1. Серверийг reboot хийнэ.
2. Хэрэв сервер чинь single boot - тай бол ESC товчлуур дарж, GRUB -н дэлгэцийг гаргаж ирнэ. Dual Boot - тай бол ESC дарах шаардлагагүй GRUB -н сонголтууд гарч ирнэ.
3. GRUB - н бүүт хийх сонголтуудаас Recovery Mode - г сонгоно.
4. Орсоны дараа Boot - н default тохиргоонууд гарч ирэх бөгөөд үүнээс kernel-г сонгож чиглүүлэгчээ аваачаад, гарныхаа "e" товчлуурыг дарж тухайн мөрийг засварлах сонголт руу орно.
5. Ингэхэд kernel - р бүүт хийгдэх параметерүүдийн жагсаалт гарах бөгөөд мөрийн төгсгөлд нь single rw init=/bin/bash мөрийг нэмж бичээд ENTER дарна.
6. Мөрийг засварлаж дууссаны дараа recovery mode - р boot хийж ороод passwd root гээд root хэрэглэгчийнхаа шинэ нууц үгийг оруулна.
7. Нууц үгийг оруулаад компьютерээ reboot хийгээд, хэвийн тохиргоогоор нь орно.

Дээрх хэдэн алхамын дагуу ажиллаж root хэрэглэгчийнхаа нууц үгийг сэргээгээд, root хэрэглэгчийн бичсэн түүхийг харахад тун сонирхолтой коммандуудыг терминал дээр өгч байсан нь харагдав. За энэ ч сонин биш, нэгэнт root эрхтэйгээ болоод авсан хойно хийсэн зүйлүүдийг нь буцаалаа. Азаар ноцтой зүйл хийгээгүй байв.

Эндээс ойлгосон зүйл гэвэл: root хэрэглэгчийнхээ нууц үгийг олигтойхон том жижиг үсэг, тоо, тэмдэгт оролцсоноор өгч байх. Бас англи хэлний үгийн санд байдаггүй үгээр өгөх нь үр дүнтэй. Учир нь миний нууц үг англи хэлний үгийн санд байдаг, 6 тэмдэгттэй байсан нь dictionary attack хийж олоход төвөггүй байсан бололтой. NAT хийгдсэн гэдгийг нь мартаад, гаднаасаа Firewall - р хамгаалагдсан тул яав л гэж гээд нууц үгээ анхаараагүй нь алдаа болсон байна.

Аль нь илүү вэ?

How to Become a Elite Hacker

Look to the master,
follow the master,
walk with the master,
see through the master,
become the master.

Overclocking AMD Phenom II

Асуулт хардвэйр форумаас зохион байгуулсан LAN Party 2010 дээр AMD Phenom II x4 925 deneb, Asus M4A77TD Pro сетап-р хийсэн оверклок. Анхных гэхэд бас ч гэж үр дүнтэй.

Гэхдээ stock cooler, тааруу РАМ-тай болохоор сайн явуулж чадаагүй. Мөн CPU маань AMD Black edition биш учраас үржүүлэгчийн тоог нэмж чадаагүй.


Нийт 5 удаагийн оролдлогоор СПҮ-г 2800MHz -ээс 3724MHz хүргэсэн. ЭНэ нь 33% ийн overclock болно. Prime95 гэх мэтийн тест ажиллуулаагүй болно.

to be continued ...

Жаваг яагаад жава гэдэг болсон бэ ?

90 ээд оны эхээр жавагийн өвөг дээдэс Оак-г Жэймс Гослинг тэргүүтэй програмистууд хөгжүүлж байхад ийм явдал болжээ. Жэймс Гослингийн ажлийн өрөөний цонхон дор аварга том царс мод байдаг байжээ. Анх Оак гэж нэрлэсэн нь үүнтэй холбоотой гэсэн шүү.

Нэгэн удаа хөгжүүлэгч багийн нэг гишүүн өрөөнд орж ирэхэд Оак-н бичиг баримт кофе болчихсон байв. Энэ яачихав аа гэж асуухад өөр нэг гишүүн нь энэ жава л харин ийм болгочихлоо гэж хариулжээ. Мань хүний баримт дээр асгасан кофе нь тухайн үед индонезийн Жава арал дээр ургасан кофений ургамалаар хийсэн жава нэртэй кофе байсан гэнээ. Жава гэсэн нэр ийм түүхтэй гэнэ шүү. Жавагийн лого нь уур гарч байгаа аягатай кофе байдгийг мэднэ дээ бид.

RAID

RAID - ийг тайлбарласан энгийн бөгөөд хөгжилтэй жишээ.
(RAID - Redundant Array of Inexpensive Disk)

Зуслангийн дурсамж 1

Өчигдөр шөнө унтах гээд хэвтэж байсан яагаад ч юм багадаа амардаг байсан зуслан маань санаанд ороод, бичмээр санагдаад болдоггүй. Үргэлжлүүлэн бодож, багынхаа бүх л гоё гоё дурсамжуудыг эргэн санасан. Сайхан байсан шүү. За багадаа амардаг байсан "Тамир" зуслангийнхаа дурсамжийг сэргээе.

Миний өсөж төрсөн нутаг Архангай аймгийн төв цэцэрлэг хот нь 20 гаруй мянган хүн амтай, жижгэвтэр аймгийн төв. Аймгийн төвөөс 40 шахам км зайтай Булган уулын салбар уулсын баруун тийшээ харсан модтой, устай сайхан байгальтай аманд Тамир хэмээх хүүхдийн зуслан байдаг байлаа. Анх 1953 онд байгуулагдаж байсан ууган зуслангуудын нэг юм байгаам.

Аймгийн төвийн хүүхдүүд зуны амралтаараа зусланд их явж амардаг байлаа. 6 сарын 10 наас эхлэн 10 хоногоор 6 ээлж амарна. Хэд хэдэн ээлж дамнаж амардаг хүүхдүүд ч байдаг байсан.

Би бол 2 дугаар ээлжээр дандаа явдаг байлаа. Наадмын өмнө 7 сарын 1нээс 10ны хооронд. Тамир нэртэй кино театрынхаа өмнө цуглаад л машиндаа чихцэлдэн суугаад л явж оддог байж билээ. Зуслан дээр очоод байрлах, бүлэгт хувиарлагдах гэж бөөн ажил болно. Очоод дотроо өрөөнүүдтэй дүнзэн байшин, дан шовгорууддаа хуваагдаад л ордог байж билээ.

Миний санахын нэг удаа 2-р ээлжээр 200 гаран хүүхэд амарч байсан. Хоолондоо хоёр ээлжээр ороод л, 7 8 бүлэгтэй, хоолондоо орохдоо бүлгийнхээ нэрийг уриатайгаа хэлээл орилоол явдаг, мөн ч сүртэй байдаг байж билээ.

Ер нь зусланд олон хүүхэд амрахаар хоол унд багасдаг ч гэсэн бужигналдаад илүү гоё байдаг юм. 8-р ангиа төгсөөд явж байхад зусланд нийт 20 гаран хүүхэд амарч байлаа. Хамгийн бага нь тэр юм уу даа. Хоол болгон дээрээ нэмүүлж идээд л бас л сайхан.

Өдрийн дэглэм гэвэл ер нь жил болгон бараг л адилхан байсан. Өглөө эрт босож өглөөний дасгал хийнэ. Энэ нэлээн хүнд байдаг байлаа. Шөнө бүжиг тарсаны дараа бужигналдаж, унтахгүй удсан хүүхдүүд өглөө босохгүй гэж багштайгаа үзэлцэнэ шүү дээ.

Дасгалаа хийчээд өглөөний цайны цаг болтол гар нүүрээ угааж, охид будаг шунхаа түрхэж бэлтгэцгээдэг байлаа. Зуслангийн угаалтуурт бужигналдаж угаах, эсвэл гол орж угаадаг байсан. За тэгээл 9 цагт бүрээ дугарахаар өглөөнийхөө цайнд очиж орно шүү дээ. Өглөөний цай нь ихэвчлэн гурилан тостой талх, каш эсвэл сүүтэй будаа байдаг байлаа. Бүрээн дуу гэснээс хоол болгонд ороход дугардаг бүрээг дууриаж хүүхдүүд төмөр орны толгой үлээж бие биенээ их хуурдаг байж билээ. Ойролцоо байгаа хүнд яг л адилхан сонсогдоно. Хоолны цаг дөхөхөөр л өрөөнөөсөө гарч үлээчихээд нуугдчихдаг байж билээ. Хүүхдүүд хууртаад л мөн ч гоё шүү.

Өглөөний цайны дараа бүлгийн ажлын цаг, сүүлийн жилүүдэд дэглэм нь сулраад хүүхдүүдийн чөлөөт цаг болсон доо. Энэ үеэр хүүхдүүд хөзөр тоглох, тасаг хэсэх, биеийн тамирын талбай орох гэх мэтээр цагаа өнгөрөөдөг байсан даа. Дараа нь 11 цагаас нэг ундтай бас. Тараг, эсвэл айраг, сироп зэргийн аль нэг нь байна.

Ундны дараа ч гэсэн хүүхдүүд хийж байсан юмаа үргэлжлүүлж өдрийн хоолоо хүлээдэгсэн. Ер нь ингээд бичсэн нь хоолны цагуудын хооронд л амьдрал үргэлжилдэг байсан мэт харагдаж байна. Тэхдээ тийм л байсан юм чинь дээ.

Ингээд байж байтал өдрийн хоолны цаг болно гэж байгаа. Бүлэг бүлгээрээ жагсаад, бүлгийнхээ уриаг хэлээд жагсаалаар хоолондоо явна. Очоод хоолныхоо танхимд мөн л бужигналдан цай хоол зөөцгөөж, эцэс төгсгөлгүй шулганалдацгаана. Яг л болжморын сүрэг мэт. Хоолны дараа цадсан хүүхдүүд зарим нь унтах, тоглох, уул руу явах зэргээр нэг хэсэгтээ л нам гүм болцгоодогсон. За энэ мэтээр 5 цагын унд, 7 цагын хоолонд орсоны дараа өдрийн хамгийн оргил хэсэг болох оройны бүжиг эхэлдэг байлаа. Оройны бүжиг бол таалагдаж байгаа охиноо уянгын бүжигт урих, оройн тойрог хийх далимаар хажууд нь зогсож гарыг нь барих гэх мэтэд сайхан боломж байсан тул бүгд л үүнд дуртай.

Бүжиг дуусаад бүгд тойрог болж зогсоод гар гараасаа барьж ... хөлтэй хөөртэй өдөр өнгөрч ... гээд л дуулдаг байлаа. Оройн тойргын дараа бараг хүн бүгдэд зориулж тавтай нойрсоорой, бүрээний дуугаар сэрээрэй гэх утгатай дуу дуулж өгцгөөгөөд тасаг тасгаараа унтахаар таран оддог байж билээ. Энэ бол зуслангийн нэг өдөр. Хүүхэд насны минь хамгийн хөөр баяртай, сайхан өдрүүдийн минь нэг.

Тухайн үедээ хамгийн сайхан цэвэр агаарт, хамгийн эрүүл орчинд хамгийн сайхан амардаг амралт байсныг хожим оюутан болсон хойноо хотын утаатай өвөл л мэдэрч билээ.

Энэ удаадаа ингээд дуусгая. Мэдээж хоёрдугаар, гуравдугаар, дөрөвдүгээр анги гэж бий. Ооны баяр, зуслангийн тэмцээнүүд, сайхан сайхан дурсамж, багш нартайгаа шөнө нинжа болж үзэлцэх гээд л зөндөө олон адал явдалтай. 7 сарын 10нд зуслангаасаа ирээд л гэртээ үхсэн юм шиг хэдэн цаг унтдаг байж билээ. Ээж амрах гэж явсан хүн ядарчаад ирхиймаа гээд л үглэж өгнө дөө. Хүүхэд нас минь нүдэнд харагдсан хэвээр ... To be Continued

X Box 360 2009. Тасарчиж ээ.

Далайд дусал.

Я.Цэвэлийн Монгол хэлний товч тайлбар толийг онлайн хэлбэрт оруулах санаачлагыг анх очко ахын блог дээрээс харсан билээ. Ингээд өөрийн хувь нэмрээ оруулахаар шийдэж, өчигдөр өнөөдөр хоёр зав чөлөөгөөрөө хоёр хуудас үг оруулчихлаа. (632; 633) Цаашдаа ч гэсэн өдөр болгон нэг хуудас үг оруулж байхаар шийдлээ.

Үг оруулж байх явцад монгол хэлний үгийн салаа утга, өөр тайлбар гэх мэтийн өөрийн өмнө огт мэддэггүй байсан зөндөө зүйлийг бас мэдэж авлаа.

Үг оруулахад хялбар, ашиглахад ойлгомжтой сайн вэб болсон байна билээ.

Виндовс 7 суулгалаа.

Лаптоп дээрээ Микрософтийн шинэ үйлдлийн систем Виндовс 7 - гийн Рилийз кандидат хувилбарыг суулгалаа. Суулгаад кракдсан учир ямар ч асуудал алга.




Үйлдлийн систем суулгасны дараа ямар нэг програм суулгаагүй үед 36 процесс л ажиллаж байна. Виндовс ХР л нэг иймэрхүү байдаг даа.

Виста бол суулгасны дараа л 58 процесс ажилладаг байсан. Хамаагүй бага л процесс ажилладаг юм байна.

Adobe Flex Builder 3

Adobe Flex Builder 3 нь Flex Application-ний хөгжүүлэлтийн нэгдсэн орчин юм. Энэхүү Eclipse суурьтай хөгжүүлэх хэрэгсэл нь ухаалаг кодлох, алдааг засах интерасктив үеүүд, хэрэглэгчийн интерфэйсийг визуал байдлаар засах, RIA шинж чанарыг нээж өгсөн. Флех билдер 3-т Flex-ийн Framework, хөрвүүлэгчид, компонентуудын цуглуулга болон алдаагүйжүүлэгч /debugger/ багтсан байна.

Flex Builder 3 нь Стандарт болон мэргэжлийн хувилбартай. Хоёр хувилбар хоюулаа Adobe Creative Suite 3 програм хангамжаас импорт хийхийг зөвшөөрөх бөгөөд энэ нь хөгжүүлэгч болон дизайнер ажиллахад өргөн боломжийг нээж өгдөг. Цаашлаад Flex 3 Professional хувилбар нь өгөгдлийг дүрслэх хүчирхэг хэрэгсэл,цоо шинэ дээд төвшний DataGrid, санах ой, гүйцэтгэлийн профайлууд, бизнесын хэрэглээг /business critical applications/ дэмжих автоматаар шалгахад тестүүдийг багтаасан.

Adobe Flex 3 SDK нь үнэгүй.

Adobe Flex 3 SDK - ийг Adobe Flex Builder-с нь тусад нь татаж авснаар Adobe Flex Frameworkтой болно. Хөгжүүлэгч зөвхөн Free Adobe SDK 3 –ийг ашиглаад RIA – г цогцоор нь бүтээж болно. Free adobe Flex SDK3 нь нээлттэй эхийн Flex SDK төсөл дээр байдаг.

Дээд төвшний Flex Data үйлчилгээ

Adobe LiveCycle Data Service ES нь RIA дэх мэдээллийн баазыг бүрэн хэмжээгээр хэрэглэх техникийн онцлогуудтай цогц программ юм. Ингэснээр RIA хамгийн сүүлийн үеийн мэдээллийн бааз, бизнесын логикуудыг маш хурдан хугацаанд чанартай хүлээн авах боломжтой. Мөн Adobe LiveCycle Data Service ES LiveCycle ES-ийн бизнесын үйл ажиллагаа, бичиг баримтын үйлчилгээтэй бүрэн интеграцчилах боломжийг олгож байгаа юм.
BlazeDS нь үнэгүй, нээлттэй эхийн төсөл бөгөөд бүх Flex хөгжүүлэгчидтэй алсийн зайнаас харьцах болон захидал явуулах боломжийг хангадаг. Флех ремоүтингийн хоёрчилсон цуврал мэдээллийн дамжуулах загвар Action Message Format-/AMF/ нь мэдээллийг RIA-руу маш хурдан шуурхай дамжуулж програмын гүйцэтгэлийг хурдасгаж өгдөг. Мөн Флех Ремоүтинг нь хөгжүүлэгчид маш хурдан, амархан холбогдож бизнесс логик болон өгөгдлийг төлөвлөх боломжийг олгодог. Флех мессэж бодит хугацаанд хэвлэх\захиалах хүчин чадалтай. Блазе ДС-ийг хэрэглэснээр эдгээр хүчирхэг Жава серверүүдийн хүчин чадлыг чөлөөтэй эзэмшингээ Adobe LiveCycle Data Service Comminuty Edition захиалж, Адобе LiveCycle Data Service бүрэн хүчин чадлаар нь хүлээн авах боломжтой.

Adobe Flex 3.0

Адобе Флех 3.0 нь Адобе Флаш платформ дээр үндэслэн RIA (Rich Internet Application) хангасан крос платформыг бий болгох хөгжүүлэх зорилгоор хийгдсэн Адобе-ийн системын технологиудийн нэгтгэл юм. Macromedia 2004 оны 3-р сард програм SDK, IDE, J2EE зэргийг нэгтгэн Flex Data Service-ийг гаргажээ.Adobe нь Macromedia-г эзэмших болсон бөгөөд Flex-ийг гаргаснаар Flex Data Service-ийн лизенз шаардлагагүй болж LiveCycle Data Service гэсэн брэнд нэртэйгээр салбарлан биеэ даасан бүтээгдэхүүн болон худалдаанд гарсан.
2008 оны 2-р сард Adobe Flex SDK-ийг нээлттэй эхийн Мозилла-гийн лизенц дээр гаргажээ. Adobe Flex Builder нь Flex application хийх зорилготой, Eclipse дээр платформ дээр үндэслэн хийгдсэн хөгжүүлэлтийн нэгдсэн орчин юм.

Flex -ийн талаар товчхон

Flex нь дээд түвшний, хэрэглэгчид ойлгомжтой вэб аппликэйшнийг сууриас хамааралгүй бүх вэб хөтөчид зориулан хийдэг чөлөөт, нээлттэй эхийн Framework юм. Энэ нь орчин үеийн, стандарт програмчлалийн хэл болон програмчлалийн загварууд дээр ажиллах боломжийг хангаж өгдөг.
MXML, нь тодорхойлогдсон XML суурьт хэл бөгөөд, UI-/lay out/схем , Actionscript 3 –тай ажиллах хүчирхэг объект хандлагат хэл юм. Мөн түүнчлэн өргөтгөж болох, батлагдсан, RIA хийх болон Flex application-ийг алдаагүйжүүлэхэд зориулагдсан 100 гаруй UI бүрэлдэхүүн хэсэг бүхий компонентүүдийн цуглуулгатай.

RIA бүхий Flex нь үйлдлийн системээс хамаарахгүйгээр компьютерийн вэб хөтөч дээр Adobe Flash Player ба Adobe AIR ашиглан ажиллаж чадна. Ингэснээр Flex бүх гол вэб хөтөч, десктопуудтай зохицон ажиллах боломжтой болдог. Adobe AIR болон Adobe Flash Player нь чиний компьютерийн дотоод нөөц болон системийн нөөцөд хандаж чадна. Адобе Флаш Плэйер болон АЙР-ийн аль алиныг Адобе.сом сайтнаас үнэгүй татаж авч болно.
Адобе Флех билдер 3 нь Eclipse суурьтай хөгжүүлэлтийн орчин бөгөөд AdobeLive Cycle® нь өгөгдөлтэй ажилладаг програм бөгөөд Флекс хөгжүүлэлтийн өгөгдөлтэй ажилладаг дээд төвшний хэрэгсэл юм. Дээрхи бүтээгдэхүүнүүдийг худалдаалж байна.
- Флех 1.0 – 2004 оны 3 сард
- Флех 1.5 – 2004 оны 10 сард
- Флех 2.0 (Алфа) – 2005 оны 10 сард
- Флех 2.0 Вета -1 – 2006 оны 2 сард
- Флех 2.0 Вета-2 – 2006 оны 3 сард
- Флех 2.0 Вета-3 – 2006 оны 5 сард
- Флех 2.0 Финал – 2006 оны 6 сарын 28
- Флех 2.0.1 – 2007 оны 1 сарын 5
- Флех 3.0 Вета -1 – 2007 оны 6 сарын 11
- Флех 3.0 Вета-2 – 2007 оны 10 сарын 1
- Флех 3.0 Вета-3 – 2008 оны 2 сарын 25
- Флех 3.1– 2008 оны 8 сарын 15
- Флех 3.2 – 2008 оны 11 сарын 17

Зиак зиак хэдхээн мөр юм орчуулах гэж бүүр ядчихлаа. Орчуулчихаад уншаад үзсэн чинь нэг л биш ээ. Гэхдээ одоо яахав дээ. Адоб Флексийг PHP - тэй хамт сурахаар шийдсэн. Тэгээд л эхлэлийг нь тавих санаатай орчуулж эхэлж байгаа минь энэ. Блогтоо хэрхэн судалж байгаагаа бас бичнэ гэж байгаа ...

Үргэлжлэл бий ...