PPK - Resurrection

Нэг хэсэг энэ транс аянд их дуртай байж билээ. Янз бүрийн хувилбар микс татаж авч сонсоод л, утасныхаа дуудлага дээр энд тэндээс нь таслаж бэлдээд тавьдаг байж билээ.

Анх нэрийг нь мэдэхгүй, утасны хонхонд зориулж бэлдсэн хэдхээн сек-н хэсгийг олж авчихаад ойр тойрныхноосоо нэрийг нь асуусан боловч мэдэх хүн байхгүй байлаа. Хэд хоног хайгаад нэрийг нь олж чадахгүй болохоор бодож байгаад дуу оруулдаг сайт руу оруулаад, Yahoo Answer дээр тавиад хэдхээн минутын дараа нэрийг нь олж байж билээ. Англи хэл байвал интернетээс олж болохгүй юм байхгүй гэдгийг тэгэхэд бараг анх ухаарч байсан байх шүү.

Сонсохоор сансарт аялж, сансрын хөлгийн цонхоор од эрхсийг хараад байгаа юм шиг мэдрэмж төрдөг гоё транс шүү.