Kobe ахын шинэ пүүз

Энэ бол Кооби ахын шинэ пүүз. Hyperdunk загварынх нь дараа гарсан юм байна.

Энийгээ өмсөөл алаад хаях юм биз дээ. Богинохон түрийтэй юм байна. Шагайгаа гэмтээчих вий дээ.

Өнөөдөр НБА-гийн түүхэнд

December 10, 1985

Boston Celtics өөрийн талбайдаа Atlanta Hawks-тай тоглож 118-101 ээр хожсон тоглолтоос хойш 86 оны 11 сарын 28 хүртэл өөрийн талбайдаа хийсэн 38 тоглолтдоо хожиж НБА-д нэгэн дээд амжилт тогтоожээ.

December 10, 1985

Indiana Pacers New York Knicksтэй хийсэн тоглолтонд 19 шидэлт амжилттай болгож, НБА-гийн нэг баг хамгийн цөөн шидэлт амжилттай гүйцэтгэсэн муу амжилтын эзэд болжээ. Гэхдээ үүнээс 13 жилийн дараа Chicago Bulls Miami-тай тоглохдоо 18 шидэлт гүйцэтгэж байжээ.

December 10, 1994

Dallas-ийн дасгалжуулагч Dick Motta Даллас Шарлоттийг 99-86 гаар ялсаны дараа лийгт байгуулсан ялалтаараа гуравдугаар байрт бичигдэж эхэлжээ. Энэ тоглолтонд хожсоноор тэрээр 865 дахь ялалтаа байгуулжээ.

Stanford - ийн их сургууль дээр Steve Jobs-ийн хэлсэн үг



Apple-г үүсгэн байгуулагч Steve Jobs ийн өгүүлрүүн

Өнөөдөр НБА-гийн түүхэнд (12 сарын 7)

Өнөөдөр буюу эндэхийн 12 сарын 8нд НБА-д ямар үйл явдал болж байсан юм бол?

December 7, 1948

Тухайн үеийн Indianapolis Jets баг Washington Capitols-г 94-78-аар хожсоноор 15 дахь дараалсан хожлоо байгуулж, улирал эхэлснээс хойш тасралтгүй хамгийн олон дараалж хожсон амжилтийг тогтоож байлаа. Энэ амжилтийг 1993-94 улиралд Хьюстон Рокитс давтаж байсан юм.

December 7, 1956

Индиана мужийн West Baden гэдэг газар Larry Bird төржээ.

December 7, 1982

Юта Жаз энэ өдөр Портлээндтай хийсэн тоглолтонд 39 удаа торгуулийн шидэлт амжилттай болгож НБА-гийн түүхэн дэх хамгийн өндөр хувьтай торгуулийн шидэлтийг гүйцэтгэж байсан байна.

December 7, 1990

Нээтс өөрийн тоглогч байсан "Супэр Жон" хочит Виллиамсоны 23 дугаартай өмсгөлийг өөрийн талбайд мөнхөлжээ. Тэрээр АВА-д 3 жил, НБА - гийн Нью Жэрси Нэтс багт 4 жил тоглож байжээ. Ингэхдээ багийн түүхэн дэх дундаж оноо авалтаар хоёрдугаарт бичигддэг байсан аж. (22.4 оноо)

December 7, 1993

Орландо Мэжик Дэтройтын талбайд айлчлан тоглохдоо тоглолтын дөрөвдүгээр үед 6 оноо авч, дөрөвдүгээр үед хамгийн бага оноо авсан багаар бичигджээ.

December 7, 1994

НБА-гийн ахмад шүүгч Jake O’Donnell зодог тайлах болсноо мэдэгдсэн байна. Тэрээр нийт улирлын 2,100, Плэйоффийн 279, финалын 39 тоглолтыг шүүгч хийх 28 жилийн хугацаандаа шүүсэн ажээ.

Миний шүтдэг тамирчид

Сагсан бөмбөгөөс бол Kobe Bryant, Tim Duncan, Tony Parker, Manu Ginobili эд нарын тоглолтыг үзэх дуртай. Ойрийн нэг хоёр жил Josh Smith-д шүтээд байгаа. Аймар даанкчин, аймар блокчин болохоор тоглолтыг нь үзэхээр дотроос нэг л юм оргилоод байдгийн.

Хөл бөмбөгөөс бол Zinadine Zidane. Би бол дэлхийн хамгийн сайн хөлбөмбөгчин гэж боддог. Юун Пеле, юун Платини, Марадона. Тоглолтыг нь үзэх үнэн тасархай ш дээ. Харамсаж явдаг зүйл бол 06 оны дэлхийн аваргын шигшээ тоглолт байгаа юм. Тэр муу бүдүүлэг Матерациг мөргөдөг жоохон буруудчихсан байхгүй юу. Ганц удаа биеэ барисан бол дэлхийн хошой аварга болохгүй юу.

Талбайн тенниснээс эрэгтэйгээс Марат Сафины тоглолтыг үзэх дуртай байсан юм. Даанч мань нөхөр сүүлийн үед амжилт нь буураад байгаа юм. Уг нь ид үедээ ч гайхалтай байлаа шүү дээ. Бөмбөгөө гаргахдаа (теннис дээр бөмбөгөө тоглолтонд оруулахыг юу гэж хэлдгийг сайн мэддэггүй. Гаргах гээд биччилээ. Буруу байвал залруулаарай.) аймар хүчтэй цохидог ү дээ.
Харин эмэгтэйчүүдийнх нь тоглолтыг өрсөлдөөн гэдэг утгаар нь үздэггүймөө. Зүгээр хааяа тоглож байгаа хүүхнүүдийг нь харах гэж үздэгийн. Талбайн теннисны эмэгтэйчүүд ер нь царайлаг байдгийг анзаарсан байх. Эгч дүү Виллиамсыг эс тооцвол шүү дээ. Анна Курникова, Ана Иванович, Мариа Шарапова гээл ...

Үндэсний бөхөөс бол Өсөхөөг шүтдэг. Бас жижиг сүхбатын барилдааныг үзэх дуртай. Аймар аатай барилддаг байсан шдээ. Сүүлийн үед Соронзонболдыг бас дэмждэг болсон. Үнэхээр уран барилдаантай юм байна лээ. Мэргэжлийнхэн яаж дүгнэдгийг нь мэдэхгүй, ямар ч байсан сонирхогчын нүдээр харахад бол гоё барилдаан хийдэг.

Ширээний теннисээр 2004 оны Афины олимпын наадамд ганцаарчилсангаар түрүүлж байсан Өмнөд солонгосын залуугаар тэр үедээ бахархаж байлаа. Тасарцан тоглолт үзүүлсээр байгаад олимпын аварга болсон л юм даа.

Чөлөөтөөс бол миний мэдэх хамгийн сайн тамирчин нь Зэвэгийн Ойдов. Мэдээж монголоос л доо. Бараг дэлхийн хамгийн сайн нь ч байж магадгүй. Дэлхийн хошой аварга энэ хүн тухайн үедээ үзэл суртлын зөрчилдөөнөөс болж олимпын аварга болж чадаагүй гэдэг.

Жудогоос бол Манай олимпын ууган аварга Түвшинбаяр байх шив дээ. Японы амьд домог Кэжи Сузукиг ялсан барилдааныг онцгойлон нэрлэмээр байна.

За тэгээл олимпоос дуртай болсон тамирчид олон байна л даа. Бадар-Ууган, Майкл Пэлпс гээд л ...

Бас нэг онцолмоос санагдсан тамирчин бол Ямайкагийн гүйлтийн тамирчин Усайн Болт. Ёооё тэр 100-д түрүүлэхдээ аймар аабртай. Бараг 10м дутуу байхад л шоудаж байгаа юм чинь. Өнгөрсөн олимпын хамгийн сэтгэл хөдөлгөсөн ялалт тэр байсан байхаа.

Паретогийн зарчим сагсан бөмбөгт

Өмнө нь энэ зарчмийн тухай нэг юм бичсэн. Энэ зарчим сагсан бөмбөгт үйлчилдэг болов уу.

Тэгээд энэ зарчмийг НБА-тай холбож бодлоо.
Ингэж бодсийн.
Жишээ нь: Багийн нийт тоглогчдийн 20% нь хожил байгуулахад 80% оролцоотой байдаг, Тоглогчийн хийсэн бүх шидэлтийн 20% нь 80%-н үр дүнтэй байдаг, хийсэн бэлтгэлийн 20% нь гаргах амжилтийн 80% болж байдаг гэх мэт. Энэ харин биелэх болов уу яах бол...

Энэ өдөр НБА-гийн түүхэнд

Энэ өдөр НБА-гийн түүхэнд гэж ирээд л бичээд байсан чинь нэг юм зөрчилдөж эхэллээ. Энэ нь юу вэ гэвэл цагийн бүсийн асуудал. Өмнөх бичлэг дээр 12 сарын 5 гээд бичсэн. Гэхдээ энэ нь манай монголын цагаар биш АНУ-н цагаар гэдгийг тайлбарлах хэрэгтэй байх. Тэхээр одоо 12 сарын 6 гээд бичсэнийг америкт 6нд, манайд бол 7-нд болж байсан үйл явдал гэж ойлгоорой.

December 6, 1966


Тоглолтын нэг үед 14 удаа торгуулийн шидэлт амжилттай шидсэн амжилтыг тухайн үеийн Сан Франциско Варриорс багийн тоглогч Рик Баари тогтоож байжээ. Энэ тоглолтонд Варриорс Никсийг талбай дээр нь 126-116 гаар хожсон байна.

December 6, 1984

Милваукий Бакс өөрийн тоглогч Боб Ланиирын (Bob Lanier) өмсгөлийг талбайдаа мөнхөлсөн байна. Тэрээр 1984 оны Плейоффын дараа тэтгэвэртээ гарж байсан юм байна.

December 6, 1986

Seattle SuperSonic энэ өдөр Rockets-ийг 136-80 харьцаагаар хожиж, НБА-гийн түүхэн дэх хамгийн хол зөрөөтэй хожил байгуулсан байна.

Харин Плейоффын түүхэнд 1973 оны дөрөвдүгээр сарын хорин нэгэнд Лейкэрс Алтан мужын дайчдыг Өрнөд бүсийн финалын гуравдугаар тоглолтонд 126-70 харьцаатайгаар 46 онооны зөрүүтэй хожиж байсан байх юм.

December 6, 2000

Lakers Warriors хоёрын цаг сунгаж үзэлцсэн тоглолтон дээр Алтан мужын дайчдын Антавн Жэмисон, Лейкэрсийн Коби Брайнт хоёр хоюулаа 51 оноо авсан байна. Энэ нь 38 жилийн өмнө буюу 1962 оны 12 сарын 14нд (Philadelphia Warriors - Los Angeles Lakers) Вилт Чембэрлайн 63 оноо, Элжин Бейлор 50 оноо авч байснаас хойшхи анхны хоёр тоглогч 50-с дээш оноо авч байгаа тохиолдол болсон байна. Сонирхуулахад Жэмисон энэ тоглолтын өмнөх тоглолтонд Сиатлтай тоглохдоо мөн 51 оноо авсан юм байна.

Энэ өдөр НБА-гийн түүхэнд

December 5, 1987

Сан Антонио Спурс Өөрийн тоглогч байсан Жорж Грэвиний 44 дугаарын өмсгөлийг мөнхөлсөн байна.

December 5, 1991

Moses Malone New Jersey Nets багийн Bradley Center-т тоглохдоо 12 оноо авснаар НБА-д 26,000 оноо авсан анхны зургаа дахь тоглогч болсон байна. (анхны зургаа дахь тоглогч гэхээр ойлгомжгүй санагдаж болох юм. Зургаа дахь тоглогч гэдэг багийн үндсэн гарааны тавд ордоггүй, сэлгээнээс гарч тоглодог тоглогч юм. Тэхээр 26,000 оноо авсан анхны сэлгээний тоглогч гэж ойлгож болно.)

December 5, 1992

Детройт багийн тоглогч Билл Лаймбийр (Bill Laimbeer) 76-чуудтай хийсэн тоглолтонд 12 удаа самбараас бөмбөг авч, өөрийн кареер дахь 10,000 дахь самбараас бөмбөг авалтаа хийжээ. Энэ тоглолтонд Детройт 112-88 харьцаагаар хожиж байсан байна.

December 5, 1997

Индианагийн Марк Жексон бүх цаг үеийн хамгийн олон оновчтой дамжуулалт хийсэн чартад Боб Көүсийг ардаа орхиж долдугаар байранд оржээ.

December 5, 2000

Торонто Рапторс, Юта Жаз багийн тоглолт. Карл Мелоун (Karl Malone) 31 оноо авснаар өөрийн кареер дахь 31,443 дахь оноог авч, 31,419 оноо аваад байсан Вилт Чемберлайнаас 24 оноогоор илүү гарчээ. Вилт Чамберлайн бүх цаг үед хамгийн олон оноо авснаараа хоёрдугаарт ордог байсан аж.


80:20-ийн дүрэм

Өнгөрсөн долоо хоногт лекцэн дээрээ сууж байгаад энэ дүрмийн тухай сонслоо. Тэгээд гүүгл энэ тэрээс хайгаад үзсэн чинь энэ нь аягүй алдартай дүрэм байдгийг олж мэдлээ. Өмнө нь яагаад сонсоогүй юм бол. Сонсоод чихнийхээ хажуугаар өнгөрүүлсэн байж болох л доо.

Лекцэн дээр энэ дүрмийг зөвхөн програм хангамжийн дүрэм юм байх гэж ойлгосон чинь энэ нь бараг л бүх зүйл дээр үйлчилдэг дүрэм байдгийг мэдэж авлаа.

Энэ дүрмийг бас Паретогийн зарчим гэж нэрлэдэг. Эхэндээ 80:20-ийн дүрэм гэж нэрлэгдэж байгаад сүүлдээ Паретогийн зарчим нэрээр алдаршсан гэнэ.

Ямарваа нэгэн учир явдлын 20% нь, 80 хувийн үр дүнг бий болгодог гэж үздэг юм байна.
Парето энэ дүрмээ 1895 онд нээжээ. Паретогийн ажигласнаар өөрийнх нь эргэн тойрон дахь хүмүүс мөнгө хөрөнгө, байр суурь, нөлөөллийнхөө хувьд 20% нь эрхэм чухал, 80% нь энгийн олонх байдгийг нээжээ. Үүний дараа энэ дүрмийг эдийн засгийн бүх л үйл ажиллагаанд оруулж болохыг тогтоосон байна.
Жишээ нь: Чиний зарсан барааны 80% -ийг чиний нийт үйлчлүүлэгчдийн 20% нь худалдан авсан байдаг, бүх зарагдсан барааны 20% нь нийт ашгийн 80%-ийг бүрдүүлнэ гэх мэт.

Урт сүүлний зарчмийн эсрэг гэмээр ч юм шиг дүрэм байна. Эсвэл урт сүүлний зарчим нь үүний эсрэг гарч ирсэн юм болов уу? Мэдэхгүй юм даа.

Би нэг ном уншлаа гэхэд нийт уншсан зүйлийн маань 20% нь, надад энэ номыг уншаад олж авах мэдлэгийн 80% нь болдог байж таарахнуу тэхээр. Шаал хэрэггүй баахан юм уншдаг юм шиг санагдаад явчлаа. Үлдсэн 80%-г нь яах гэж уншдаг болж байнаа ингэхэд. Зөвхөн ном ч биш л дээ. Ямар ч юм хийхэд хийсэн ажлийн маань хорьхон хувь нь үр дүнгийн 80% болж байна гэж бодохоор л ...

Ямар ч байсан үйлдлийн системийн ачаалагдах нийт хугацааны 20%-д нь, үйлдлийн систем асахад цуг ачаалдаг програмуудын 80% нь ачаалж дууссан байх ёстой гэсэн шаардлага үйлдлийн систем зохиоход тавигддаг юм байна лээ.

NBA Today History

December 1, 1981
84 оны энэ өдөр Санс Алтан мужын дайчдыг 115-103 - р ялснаар Финикс Санс багийн дасгалжуулагч John MacLeod НБА-гийн түүхэнд 500 -с дээш ялалт байгуулсан 10 дахь дасгалжуулагч болж байжээ.

December 1, 1990
90 оны энэ өдөр Нэтс Орландог 111-92 -р хожсоноор New Jersey Nets багийн дасгалжуулагч Bill Fitch 785 дахь ялалтаа байгуулж, НБА-д хамгийн олон ялалт байгуулсан дасгалжуулагч нарын жагсаалтанд Dick Motta, Jack Ramsay ба Red Auerbach нарын араас дөрөвдүгээрт бичигдэж байжээ.

December 1, 1996
Seattle Supersonics-н тоглогч Hersey Hawkins Utah Jazz багтай хийсэн тоглолтон дээр дөрөвдүгээр үе дуусахад 7:58 дутуу байхад шидэлт хийж НБА-гийн 7 сая дахь оноог авсан байна.

НБА өнөөдөр

Өнөөдөр НБА-гийн талбайд таван тоглолт боллоо. Нэтс Санс хоёрын тоглолтон дээр Нэтсийн холбон тоглогч Дэвин Харрис 47 оноо авч өөрийгээ од болсон гэдгээ харуулсныг эс тооцвол сонирхуулах зүйл багатай өдөр байлаа.

Эхний тоглолт: Blazers 96, Pistons 85

Олдриж 27 оноо авсан бол энэ жилийн рүүкий Грэг Оден өөрийн карээр дахь хамгийн олон болох 13 удаа самбараас бөмбөг авлаа. Брэндэн Рой 19 оноог нэмэрлэж залуу Портландчууд дөрөв дэх дараалсан хожлоо байгууллаа.

Дэтройтод Айвэрсон ирснээс хойш тэд 6 хожиж, 6 хожигдоод байна.

Nets 117, Suns 109

Харрис өөрийн карээрийн хамгийн өндөр, 47 оноог авлаа. Тэрээр тоглолтын дөрөвдүгээр үед 21 оноо авсан бөгөөд Нэтсийнхэн Харрисын ачаар Финикст 14 дарааллаад хожигдоод байснаа зогсоож чаджээ.

Нэтс 1993 оноос хойш Финиксийн US Airways Center-т хожил авч чадаагүй байсан аж.

Финиксын сүүлийн хоёр өрсөлдөгч багаас нь ийнхүү хоёр тоглогч 40-өөс дээш оноо авч байгаа бөгөөд нэг нь өнгөрсөн тоглолтонд тоглосон Маяамигийн Двэйнэ Вэйд. Вэйд тав дахид болсон тоглолтон дээр 43 оноо авсныг санаж байгаа байх.

Nuggets 104, Rockets 94

Энтони гэмтлээс болж тоглолтыг дундаас нь орхиж, энэ тоглолтонд хоёр оронтой оноо авч чадсангүй. Гэхдээ Биллапс 28 оноо авснаас гуравдугаар үед 11-г авсан байна.

Наггэтсийн лидэр Антони баруун тохойны гэмтлээс болж хоёрдугаар үеэс тоглолтыг орхисон бөгөөд хоёр долоо хоногын хугацаанд тоглохгүй болжээ. Энтони хоёрхон оноо авсан бөгөөд түүний 221 тоглолтонд дараалан 2 оронтой оноо авсан амжилт тасарлаа. Энтони 2005 оны 11 сарын 28-нд 10 оноо авснаас хойш өнөөдрийг хүртэл тоглосон тоглолт болгоноосоо 2 оронтой оноо авч байжээ.

Яо Мин 18 оноо авсан бөгөөд Хюстон Мкгээдигүйгээр 3 дахь тоглолтоо хийлээ.

Lakers 112, Raptors 99

Пав Газол 24 оноо авч, 9 удаа самбараас бөмбөг авсан бол Коби 23 оноо, 7 оновчтой дамжуулалтыг хийж, Лэйкерсчүүд Рапторсыг хожсоноор хожил хожигдлын харьцаа 14-1 болж лийгт хамгийн сайн амжилтыг үзүүлж байна.

Брайнт 15 оноо авснаар өөрийн 22,000 дахь оноог авсан бөгөөд хамгийн хурдан 22,000 оноо авсан тоглогч боллоо. (Лийгт тоглож эхэлснээс хойш хамгийн хурдан хугацаанд 22,000 дахь оноогоо авч байгаа юм байна.)

Брайнт 12,000-с эхлэн 20,000 оноо хүртэл хамгийн хурдан авсан тоглогч болсон юм байна.
Хоёр удаагын онооны Лидэр, 10 удаагын Оол Стар маань 21,000 оноог авсан хугацаагаар хоёрдугаарт ордог байсан ажээ.

Ийм нэгэн явдал

Өнөөдөр өглөө сургууль руугаа явахдаа автобусанд суугаад билэтээ гаргаж ирээд л харуулсан чинь 11 сар дуусаад билэт хүчингүй болчихсон байдаг байгаа. 12 сар гарчихсныг өнөө өглөө л мэдлээ ш дээ. Билэт гэснээс би хоёрдугаар курст байхдаа анх виза карт авч байсын.

Нэгдүгээр курст байхдаа МУИС-ын тэндээс сансар хүртэл ойрхон болохоор алхаад явчихдаг байсан юм. Гэр сургууль хоёроос өөр газар ч нээх явдаггүй байсан хэрэг.
Харин хоёрдугаар курстээ арай хэмнэлттэй юм шиг санагдаад байхаар нь билэтээр явж байх санаатай эхлээд визаг нь захиалсан юм. Тэгээд 10 -р сарын дундуур авлуу яалаа.

Сансарын автобус МУИС-ын хоёрын урдах буудлаас сансар луу явахдаа цөөхөн хүнтэй явдаг юм. Би дээр нь билэт наагаагүй хирнээ визагаа түрийвчиндээ хийгээд, кондуктор нь ирэнгүүт нь халит гаргах гэж байгаа юм шиг аажуухан ирмэгийг нь гаргангуут нөгөөдүүл чинь яваад өгдөг байсан юм.

Хэд хэдэн удаа ингэж явсан санагдаж байна. Нэг удаа нэг кондуктор нь ирэхээр нь би ч сурсан зангаараа үзүүрийг нь цухуйлгалаа. Тэгсэн нөгөөх чинь явдаггүй шүү. Тэгээд визагаа гаргаад ир гэдгийм даа.
Би ч хураалгах нь гээд палхийгээл явчихсан. Дотроо барайгаал нөгөө муу визагаа гаргаад ирсэн. Угаасаа билэтгүй визагаар явж байсан юм чинь миний буруу байлгүй яахав дээ.

Нөгөө кондуктор эгч чинь миний визаг аваад дүрэм зөрчсөн байна, билэт нь хаа байна гэж асуулаа. Би ч шал мэдэхгүй царай гаргаад, эгчээ энэ визаг чинь авчихаар эхний нэг сар үнэгүй явдаг юм бишүү, би шинэ оюутан болохоор сайн мэдэхгүй байна гэж мэгээд зогсжийлоо. Тэгээд л найзаасаа виза авахаар үнэгүй явуулдаг гэж сонссон гэж худлаа хэлээд. Тэгсэн нөгөө кондуктор эгч чинь надаа билэттэй бол үнэгүй явдаг, билэтээ сургуулийн оюутны зөвлөл дээрээсээ 5 мянган төгрөгөөр захиалаад авдаг, тэрийгээ энэ визан дээрээ наагаад явдаг гээл тайлбарлаж гарлаа л даа. Би ч аймар ойлгосон царайлаад, аан тиймүү тэрийг нь одоо яаж захиалах вэ нтэргэж асуугаад л, толгой дохиод л, за ойлголоо эгчээ одоо мөнгийг нь өгөөд явчихы тэгээд сургууль дээрээсээ ирэх сарынхаа билэтийг захиалнаа гэж мэгээд л визагаа буцаагаад авчихсан. Хэхэ ямар хамаа байхав дээ эр хүн туг ч барина тугал ч хариулна.

Харин тэр үед Сансарын автобусанд намайг танидаг ч юм уу манай сургуулийн хүүхэд явж байсан бол л би жинхэнэ эвгүй байдалд орох байсан байхаа.

Өнөө өглөө хугацаа нь дууссан виза үзүүлсэн чинь тэр явдал санаанд орж ирээд автобусанд жуумалзаад л явлаа ш дээ.

NBA Capsules for saturday

Өнөөдөр НБА-гийн талбайд 11 тоглолт боллоо.

New York 138, Golden State 125

Chris Duhon 22 оновчтой дамжуулалт, David Lee 37 оноо 21 удаа самбараас бөмбөг авалт хийснээр тус тусын хувийн дээд амжилтыг тогтоож, бас Никс тоглолтын эхний хагаст 82 оноо авч мөн л рекорд тогтоосон бөгөөд, үүний ачаар Алтан мужын дайчдыг 138 - 125 ын харьцаатайгаар хожлоо.

Тоглолтын эхний хагас 82-64 харьцаатайгаар өндөрлөсөн бөгөөд энэ хагаст Дэвид Лий 20 оноо авсан байна. Тэр эхний хагас дуусахад 3.4 секунд дутуу байхад бөмбөг оруулснаар Мэдисон Скавэр Гардэнд 1979 оны 12 сарын 8нд Канзас Сити багтай хийсэн тоглолтон дээр 81 оноо авч байсан амжилтыг давж гарлаа.

Никс өнгөрсөн долоо хоногт хоёр оноочин болох Зак Рандолф, Жамаал Крофорд нарыг явуулсан бас өнөөдрийн тоглолтон дээр Нате Робинзон бэртлийн улмаас тоглоогүй боловч 51 хувьтай шиджээ.

Эсрэг багаас нь Крофорд 21 оноо, 10 удаа самбараас бөмбөг авалт, Коорэй Магэттэ 32 оноо, 12 удаа самбараас бөмбөг авсан байна.

Celitcs 89, Bobcats 84

Пийрс 19 оноо авч багаа тэргүүлсэн бол Бостон 8 дахь дараалсан хожлоо байгуулж, 16 хожил 2 хожигдолтой болсноор өөрийн бүсээ тэргүүлж байна. Перкинс 15 оноо, 12 удаа самбараас бөмбөг авалт, Рэй Аллен 15, Тони Аллен 11, Гарнэт Эдди Хаус нар тус бүр 10 оноо авсан байна.

Эсрэг багаас нь Жералд Уоллэс 23, Ричардсон 22 оноо авсан байна.

Thunder 111, Grizzlies 103

Дюрант 30 оноо, Жефф Грийн 22 оноо авснаар шинэ хотод очиж нэрээ сольсон, дасгалжуулагчаа халсан Тундэр өөрслийн 14 дараалсан хожигдлоо зогсоож чадлаа.

Энэ хожил нь Оклахама Сити Тундэрийн энэ улиралд айлын талбай дээр хожиж байгаа анхны хожил юм байна. Мөн энэ улирлын 2 дахь хожил нь ажээ. Харин өнөөдөр хожигдсноор Мемфис сүүлийн 11 тоглолтынхоо 10-т нь хожигдоод байгаа юм байна.

Magic 110, Pacers 96

Ховард 32 оноо авч, 21 самбараас бөмбөг авалт, 4 блок шот хийж энэ улирлын хамгийн өндөр оноогоо авлаа. Лэвис 24 оноо авсан байна.

Туркоглу 22 оноо авсан бөгөөд Орландо 4 дарааллан хожлоо. Тэд сүүлийн 10 тоглолтынхоо 9-д нь ялаад байгаа юм байна.

Индианагаас Дэни Грэнжэр 27 оноо авч багаа тэргүүлжээ.

Cavaliers 97, Bucks 85

Жэймс дөрөвдүгээр үед 11 оноо дарааллан авсан бөгөөд энэ тоглолтонд нийт 32 оноо авчээ.

Илгаускас 23 оноо авч, 17 удаа самбараас бөмбөг авснаар сүүлийн 14 тоглолтынхоо 13-т нь хожиход гол үүрэг гүйцэтгэлээ.

Эсрэг багаас Майкл Рээд бэртлээс эргэн ирж тоглосон бөгөөд 35 минут тоглохдоо 20 оноо авч багаа тэргүүлсэн байна. Тэрээр баруун шагайныхаа гэмтлээс болж 14 тоглолт өнжсөн юм байна.

Rockets 103, Spurs 84

Хюстоноос Мкгрээди гэмтлийн улмаас тоглоогүй бол түүний оронд гарч тоглосон Luther Head 21 оноо авч, Рон Артэст 16 оноо 8 удаа самбараас бөмбөг авалт хийсэн байна.

Рокитс 48 хувьтай довтолсон бөгөөд тэд Спурстай хийж байгаа сүүлийн 16 тоглолтынхоо 4 дэхэд нь хожлоо.

Сан антониогоос Данкан 17 оноо авсан бол гэмтлийн улмаас 8 тоглолт өнжсөн Тони Паркэр 15 оноо долоон оновчтой дамжуулалт хийсэн байна. Энэ нь түүний гэмтлээс иргэн ирсэн хоёр дахь тоглолт юм.

Nuggets 106, Timberwolves 97

Billups гурван үе тоглохдоо 27 оноо авсан нь энэ улиралд авч байгаа хамгийн өндөр оноо нь юм байна. Кармело Энтони 25 оноо 10 самбараас бөмбөг авсан байна.

Дэнвэр Минэсотаг 7 дараалан хожиж байгаа бөгөөд сүүлийн 15 удаа таарахдаа 12 дахь тоглолтондоо хожлоо.

Ранди Фоу 25 оноо авч багаа тэргүүлсэн байна.

Clippers 97, Heat 96

Зак Рандолф Ал Торнтон хоёр тус бүр 27 оноо, Барон Дэвис ходоодны өвчтэй байсан боловч тоглож 15 оноо, найман оновчтой дамжуулалт, таван удаа самбараас бөмбөг авалт хийснээр өөрийн багийн дөрөв дараалсан хожигдлыг тасалж чадлаа.

Маяамигаас Вэйд 26 оноо, 11 оновчтой дамжуулалт, 6 удаа самбараас бөмбөг авалт хийсэн байна. Лийгийн онооний лидэр маань цаг дуусч байхад 3 онооны шидэлтээ хийж чадаагүй гэнэ.

Та нар үүнийг мэдэх үү ?

1. Лигт хамгийн олон оноо авсан тоглогч бол Kareem Abdul-Jabbar.

Тэрээр 1560 тоглолтонд оролцож, 15,837 шидэлт хийж, 38387 оноо авчээ. Мөн торгуулийн шидэлтээс 6,712 оноог нэмэрлэсэн байна.

2. Нэг тоглолтонд авсан дундаж оноогоор тэргүүлдэг тоглогч бол Micheal Jordan, Wilt Chamberlain хоёр ажээ.

Micheal Jordan нийт 1,072 тоглолт хийж, 12,192 удаагийн шидэлт, 7,327 удаагийн амжилттай торгуулийн шидэлтээс 32,292 оноо авсан бөгөөд түүний дундаж оноо нь 30.1 юм байна.

Харин Wilt Chamberlain нийт 1,045 тоглолтонд оролцож, 12,681 удаагийн шидэлт, 6,057 торгуулийн шидэлтийг амжилттай болгосноор нийтдээ 31,419 оноо авсан бөгөөд мөн дундаж оноо нь 30.1 ажээ.

3. Wilt Chamberlain - хамгийн олон удаа самбараас бөмбөг авсан тоглогч.

23,924 удаа самбараас бөмбөг авчээ. Мэдээж 1045 тоглолтонд оролцсон байж таараа.

4. Дундаж самбараас бөмбөг авалт - Wilt Chamberlain

Тэрээр нэг тоглолтонд дунджаар 22.9 удаа самбараас бөмбөг авч байсан гэнээ.
Аймшигтай юм. Юун одооны Ховард нтэр айн. Гэхдээ тэр үед дүрэм арай өөр байсан гэж байгаа. Энэ талаар дараа бичнээ.

5. Хамгийн олон удаа оновчтой дамжуулалт өгсөн тоглогч - мэдээж John Stockton

1,504 тоглолтонд оролцохдоо 15806 удаа бусдадаа оновчтой дамжуулалт өгчээ.

6. Нэг тоглолтонд дунджаар хамгийн олон оновчтой дамжуулалт өгсөн нь - Magic Johnson бөлгөө.

Шидэт Жонсон 906 тоглолтонд 10,141дамжуулалт хийсэн бөгөөд энэ нь дунджаар 11.2 болох юм.

7. Хамгийн олон удаа бөмбөг хулгайлсан гар.

Бас л өнөөх John Stockton ажээ. 3265 удаа бөмбөг хулгайлсан байна. Тийм олон дамжуулалт өгнө, бас ийм олон удаа бөмбөг тасдана, чөтгөрийн бүрэлбаатай нөхөр байсан ажгуу.

8. Бөмбөг таслалт дунджаар.

Alvin Robertson гэж тоглогч 779 тоглолтонд 2,112удаа бөмбөг хулгайлсан юм байна. Дунджаар 2.71 болж байна. Уг нь дуулдаагүй л тоглогч байхым даа.

9. Блок шот хэн их хийсэн бэ?

Тэрээр 1238 тоглолтонд нийтдээ 3,830 удаа блок хийсэн байна. Хэн гэж бодож байна ?

Тэр тоглогч бол Hakeem Olajuwon юм байнаа.

10. Нэг тоглолтонд дунджаар хамгийн олон блок хийсэн нь:

Mark Eaton гэж тоглогч байна. Дунджаар нэг тоглолтонд 3.50 блок хийдэг байж дээ.

3 дахь долоо хоногын шилдэг 10

NBA Capsules

Phoenix Suns 92, Miami Heat 107

Phoenix. US AIRWAYS CENTER - Өнгөрсөн жилийн хоёрдугаар сард Финикс Маяами хоёр Шак болон Марионыг сольсноос хойш анхныхаа тоглолтыг тав дахын орой хийж, энэ тоглолтонд Вейд 43 оноо авснаар 107-92 оор маяами хожлоо.
Шак 12, Марион 10 оноо авсан бол Вейд зогсошгүй байж 43 оноо авлаа.
Өнөөдөр 26 нас хүрч байгаа Бразил тоглогч Леондра Барбоза 20 оноо авч өөрийн багаа тэргүүлсэн бол Ража Бээл 16, Стуудмаейр 14 оноо авсан байна. Nash бэртлийн улмаас энэ тоглолтонд оролцоогүй ажээ.

Detroit Pistons 107, Milwaukee Bucks 97

Detroit. PALACE OF AUBURN HILLS - Allen Iverson энэ улиралд анх удаа сэлгээнээс гарч тоглосон бөгөөд тэрээр 27 минут тоглож, 17 оноо авсан байна.
Талархлын баярын бэлтгэлээ тасалсан учир түүнийг багийн ахлах дасгалжуулагч Micheal Curry сэлгээнээс тоглуулах шийдвэрийг гаргасан аж.
Айверсон тав дахиийн өглөө дасгалжуулагчаасаа уучлал гуйсан бөгөөд эхний 10 минутын туршид сэлгээний сандалд сууж, оронд нь Стаки гараанд гарж тогложээ.
Баксаас Richard Jefferson Ramond Sessions хоёр тус тус 21 оноо авсан боловч баг нь 3 дахиа дарааллаад хожигдлоо.
Гэмтэл авсан төвийн тоглогч Andrew Bogut-н оронд Dan Gadzuric гараанд гарч тоглосон бөгөөд 12 удаа самбараас бөмбөг авсан байна.

Cleveland Cavaliers 112, Golden State Warriors 97

Cleveland. Quicken Loans Arena - Lebron James 23 оноо, төвийн тоглогч Zydrunas Ilgauskas 21 оноо авч Алтан мужын дайчдыг буулган авлаа. Энэ нь Кливлэндийн хамгийн сайн эхлэл юм байна.
Кливлэнд энэ улиралд өөрийн талбайдаа 9 тоглолт хийж 9 хожоод байгаа бөгөөд энэ амжилтаараа 1976-77 болон 1991-92 оны амжилтаа давтаж байгаа аж.
Warriors 5 дарааллан хожигдож байгаа бөгөөд айлын талбайд тоглосон 9 тоглолтынхоо долоод нь хожигдоод байна.

San Antonio Spurs 109, Memphis Grizzlies 98

San Antonio. AT&T Center - Гурван долоо хоногын өмнө бэртсэн Тони Паркер өнөөдрийн тоглолтонд эргэн ирж, 16 минут тоглохдоо 15 оноо авч, 7 оновчтой дамжуулалт хийжээ.
Жинобили 14 оноо авч, Данкан 11 оноо нэмэрлэжээ. Энэ тоглолт нь Жинобилигийн бэртлээсээ эргэн ирээд хийж байгаа гурав дахь тоглолт нь бөгөөд гурван оол стар маань энэ улиралд хамтдаа тоглосон эхний тоглолт нь байлаа.
O.J.Mayo 32 оноог авсан боловч Мемфис энэ долоо хоногт Спурст хоёр дахь удаагаа хожигдлоо. Улирлыг 1-4 гэсэн муу амжилттайгаар эхэлсэн Сан Антонио сүүлийн 10 тоглолтынхоо 8-д нь хожоод байгаа юм.

Los Angeles Lakers 114, Dallas Mavricks 107

Los Angeles. Staples Center - Kobe Bryant 35 оноо авсан нь түүний энэ улиралд авсан хамгийн олон оноо аж. Лейкэрс энэ улирлын 13 дахь хожлоо авсан бөгөөд тэд 13-1 гэсэн амжилтаар лийгийг тэргүүлж байна.
Andrew Bynum баруун хөлөндөө бэртэлтэй байсан боловч тоглож, 18 оноо, 10 удаа самбараас бөмбөг авслаа. Хоёр МБП-гийн халз тулалдаанд Лейкэрс 6 дахь дараалсан хожлоо авснаар Далласын 5 дараалсан хожлыг тасаллаа. Харин нөгөө МБП Новицки 19 оноо, 12 удаа самбараас бөмбөг авчээ.

Үргэлжлэл бий ...

Дэлхийн хамгийн хөгшин хүн үхсэн байна.


Дэлхийн хамгийн өндөр настай хүн болох Эдна Паркер нас барсан байна.

Тэрээр америкийн нэгдсэн улсын Индиана муж улсын иргэн бөгөөд 115 нас 220 хоногтойгоор дэлхийн хамгийн өндөр настай хүн болж Гениссын номонд бичигдэж байгаа ажээ.

Паркер 1893 оны дөрөвдүгээр сарын хоринд төрсөн бөгөөд өмнө нь гениссын рекордыг эзэмшиж байсан япон улсын иргэн Ионэ Минагава 2007 онд нас барснаар ийнхүү гениссын амжилтыг эзэмших болсон аж.

Бэртээд байгаарай одуудаа

НБА-д бэртэл гэмтэл ер мундахгүй гарна шүү. Арга ч үгүй байх дөө 100 гаруй хэлийн жинтэй нөхдүүд тэгж аймар үсэрч дүүлээд байхаар чинь муу хөл гар нь яаж биеэ дийлэх вэ дээ.

Би бодлоо л доо багийн од тоглогч нь юм уу эсвэл гарааны тоглогч нь гэмтэхэд баярладаг хүн байдаг болов уу гэж. Мэдээж бусад багийхнаас нь юм уу өөр багийн хөгжөөн дэмжигчид баярлах баярлах явдал байдаг л биз. Би бол дургүй тоглогч гэмтлээ л гэж дуулдвал баярлаал явчиж байгаам чинь. Жишэээ нь: Raja Bell, Andersen Varejao гэх мэт.

Харин баг дотроос нь баярладаг болов уу. Сэлгээний тоглогчдыг баярладаг байх гэж би бодоод байгаан. Гарааны тоглогч гэмтсэн үед нь олон минутыг талбай дээр өнгөрөөж, тэр байтугай гараанд гарах ч боломж тохионо. Бэлтгэл энэ тэр дээрээ юу юугүй гэмтээх гээд дайрдаггүй ч гэсэн гэмтчихэвэл битүүхэн дуртай л байдаг биз дээ муусайн сэлгээний тоглогчид.

Бас гарааны тоглогч нь гэмтэх нь шинэ залуу тоглогчид өөрийгээ нээх сайхан боломж байдаг гэж би боддог. Indiana-гийн Dany Granger чинь Jermaine-г бэртлээс болоод тоглоогүй өнжсөн улиралд тодроо биз дээ. Гэх мэтчилэн олон жишээ байна.

Сан Антонио Юта хоёрын уржигдар болсон тоглолтон дээр George Hill, Roger Mason хоёр өөрсдийгээ харууллаа. Хэрэв Жинобили Паркер хоёр гэмтээгүй байсан бол тэр хоёрыг ингэж тоглох чадалтай гэдгийн Попович мэдээ ч үү үгүй ч үү.

Тэхээр ер нь од тоглогчид хааяа бэртэхэд буруу ч юм алга дөө. Сайхан амраад авна. Шинэ залуу тодорчвол сайн л биз. Сууж байхдаа сэтгэл нь зовохгүй. Тэхээр ер нь бэртээд байгаарай одуудаа.

Тэр George Hill-г Сан антонио өнгөрсөн драфтийн 26 -р авсын байлээ. Юмыг яаж мэдэхэв. Хэдэн жилийн дараа од болох ч юм билүү. Харж л сууя даа. Тони Паркерийг нээрээ цагаан хэл ам идээд бэртчихсэн гэсэн. Санаж байгаа бол 55 оноо авсныхаа дараагын тоглолтон дээр бэртчихсэн шүү дээ. Цаадах чинь Эвагаа дагуулаад гандан орж хар цагаан хэл амны хариулга хийлгэсэн гэсэн. хэхэ

Удаан хугацааны бэртэлтэй тоглогчид

Golden State Warriors
Monta Ellis G 2008 8 сарын 28-нд
Зүүн шагай: Хугацаа - 3 сар

Miami Heat
James Jones SF 2008 оны 10 сарын 16-нд
Баруун гарынхаа бугуйнд мэс засал хийлгэсэн - 3 сар

Oklahoma City Thunder
D.J. White PF 2008 оны 10 сарын 10
Эрүүний мэс засал - 4-6 сар

Philadelphia 76ers
Jason Smith FC 2008 оны 8 сарын 9
Зүүн шагайны гэмтэл - Энэ улиралд тоглохгүй

Portland Trail Blazers
Raef LaFrentz FC 2008 оны 10 сарын 13
Мөр - Улирлыг орхиж магадгүй
Martell Webster GF 2008 оны 10 сарын 9
Зүүн хөлний гэмтэл-8-10 долоо хоног

San Antonio Spurs
Manu Ginobili SG 2008 оны 9 сарын 2
Зүүн шагай -12 сарын дундуур

Washington Wizards
Brendan Haywood C 2008 оны 10 сарын 9
Баруун гарынхаа бугуйнд мэс засал хийлгэсэн - Тодорхойгүй хугацаанд тоглохгүй
Gilbert Arenas PG 2008 оны 9 сарын 18нд
Зүүн хөлөндөө мэс засал хийлгэсэн -3 сар тоглохгүй

A Sound - Шал Дэмий

Шар үстэй царайлаг охин байсан
Шал дэмий бүтэн жил хүлээсэн
Анх эхлээд тэр намайг гуйсан
Арван сар хамт тэгээд байсан

Нэг л өдөр явсан
Тэр намайг нэг жил хүлээ гэсээн
Тэр тэр охин хөөрхөн охин байсан
Тэр тэгээд худалч охин болсон
Тэр надад хайртай гэдэг байсан
Тэр тэгээд нисээд намайг мартсаан
Нэг жилийн дараа захиа ирсээн
Нэг хүнтэй суусан гэдгээ хэлсээн
Тэр тэгээд түүнд хайртай гэсэн
Тэр одоо намайг мартсан гэсэн

Тэрнээс хойш удалгүй захиа ирсэн
Тэр одоо ганцаараа болсон гэсэн
Надаас тэр уучлалт гуйсан байсан
Надтай хамт хайрт минь уншиж байсан

Нэг л өдөр явсан
Тэр намайг нэг жил хүлээ гэсэн
Тэр тэр охин хөөрхөн охин байсан
Тэр тэгээд худалч охин болсон
Тэр надад хайртай гэдэг байсан
Тэр тэгээд нисээд намайг мартсан
Нэг жилийн дараа захиа ирсэн
Нэг хүнтэй суусан гэдгээ хэлсэн
Тэр тэгээд түүнд хайртай гэсэн
Тэр одоо намайг мартсан гэсэн гэсээн ...

Шал дэмийShal demii - A-Sound

НБА-гаар юутай вэ?

Эртүүд зодооны тухай бичсэнээс хойш НБА-гийн тухай бичээгүй юм байна. Бас хэд хоночихжээ. Гэхдээ энэ хугацаанд НБА-гаас хол хөндий байсан гэж битгий бодоорой.

Би ер нь өглөө сэрээд хэрэв цаг болоогүй байвал гэртээ гардаг хэдэн сувагнаасаа ( CCTV5, ESPN, STAR SPORTS, оросын спортын суваг ) тоглолт гарж байгаа эсэхийг хайж, байхгүй бол яахоогийн спорт руу нь орж мэдээ, тоглолтын үр дүн эд нарыг нь байнга хардаг хүн. Байнга тэгсээр байгаад хэвшил болчихсон юм шиг байгаан. Сүүлдээ бүүр тэр өдрөө орж амжаагүй бол орой нь нэг юм дутагдаад байгаа юм шиг мэдрэмж төрдөг болчихсон байна лээ.

1. Ойрын үеийн онцлох баг гэвэл Кливленд аймар байх шив дээ. Шинээр авсан Мо Виллиамстайгаа эвэнд орсонуу яасан найм дараалж хожиж бариад сүрхий байх шив. Энэ найман тоглолтынхоо гуравт нь Жеймс 41 оноо аваад, өнөөдөр Нью Жэрситэй тоглохдоо 31 оноо авсан харагдсан. Бусдыг нь сайн санахгүй байна. Гэхдээ л аймар олон оноо аваад байгаа юм. Хэрэв энэ байдлаараа цаашаа яваад байвал энэ улирлын үнэ цэнэтэй тоглогчийн шагналыг аваад, оноогоор тэргүүлэх шаанс хангалттай байна. Мань нөхөр танк шиг биетэй болохоороо бэртэх гэмтэх нь ч гэсэн жирийн л хүн шиг биетэй тоглогчдынхоос хамаагүй бага байдаг бололтой юм. Жеймс ч НБА-гийн экспертүүдийн арааны шүлсийг улам л хүчтэй асгаруулж байна даа. Мань нөхөр ганц хоёр жилийн өмнө Кливлэнддээ үнэнч гэдгээ зарлан тунхагладаг байсан бол сүүлийн үед хэвлэлийн бага хурлууд дээр аль ч багт тоглосон ялгаа юу байхав ухааны юм ярьдаг болсон гэж өнөөдөр ахаас сонслоо. Өөр мөнгө ихтэй баг руу явах санаа зурс зурс төрж эхэлсэн бололтой юм аа.
За за гэхдээ ийм эрт худлаа цуурах ч дэмий дээ. Нээх мэдэмхийрээд өөр баг руу явах магадлалтай байна гээд баахан яричихдаг, тэгсэн багтаа үлдээд олон жилийн гэрээ байгуулчихвал би л муугаараа худалч нэр авна биз. Хүмүүс асууна шд чи Жеймсыг явна явна л гээд байсан яасан ? гэж. Юугаа хэлэхийн.
За солиорох ч яамай. Кливленд маргааш дертойттой үзнэ гэсэн. Эртнээс л өстэй хоёр доо. Олон дараалж хожоод байгаа нь тохиолдлынх уу уулаасаа сайных уу гэдгээ харуулах биз дээ.

2. Зодоон цохион хийгээд, хүний хүүр ам руу алгадаад цаад хэдэн тоглогчид чинь ширүүн байгаа шд. Гарнэт байна. Эртүүд торонтогийн эсрэг тоглохдоо өөрийг нь бодвол жижигхээн дэлдийсэн Калдероныг нүүр нүдгүй загнаж орхисон.


Бас Бакстай тоглохдоо Богутын нүүр лүү алгадчихсан. Гэхдээ санаатай шүү. Түүнээсээ болоод нэг тоглолтонд оролцохгүй байх шийтгэлийг Сту Жексоноос авсан. Би бодохдоо багадсан шийтгэл гэж л бодоод байгаа.


Kenyon Martin бас л шүүгч руу дайрсан. Хэрэв нөгөө хэн билээ дээ Пилл өвөөг дуйраагаад байдаг Денвэрийн дасгалжуулагч чинь. Тэр урдуур нь ороогүй байсан бол дэлсээд авч магадгүй байсын. Би ч ганц шаагаад авахгүй дээ гэж харамсаад байгаан. Угаасаа тэр халзан шүүгч чинь хүн хөөхийн хэнээтэй дурак байгаан. Мартины хүчирхэг гараар нэг дэлсүүлээд авбал зүрх нь үхээд дахиж тоглогч хөөхөөсөө айдаг болчихож магадгүй байсын.


Мартин 20 мянгын торгууль төлсөн гэсэн. Цохиод авсан бол бүх хөрөнгөө хураалгаад бандааштайгаа үлдэх байсан байх шүү.

Эртүүд Финикс Хьюстон хоёр тоглохдоо зодолдоцгоосон. Зодолдох ч гэж дээ. Дээр үеийнхийг бодвол домоглож байх чив лээ. Энэ тухай өмнө бичсэн болохоор орхий.

3. Өөр чинь юу билээ байз. Нэг муу нэг сайн мэдээ байгаан байна. Мууг нь эхэлж хэлнээ. Нэг ч хожигдоогүй байсан Лейкерс хожигдчихсон.
Сайн нь: хамаг одууд нь гэмтэлтэй байгаа Сан-Антонио маань багуудыг талбай дээр нь очоод л хожоод яваад байгаа. Лав л гурав дарааллаад хожчихсон байх шүү.

За за өнөөдөртөө ингээд дуусгая. Одоо бичихдээ хуримтлагдахаас нь өмнө бичиж байхаас. Тэгэхгүй бол зөндөө их юм болчихоод эхнээс нь авахуулаад мартчихын. Энэний тухай бичнэ дээ гэж бодоод. Дараа нь яг бичих болохоор мартцан байгаам чинь. Эргээд уншсанаа хайж олох гэхээр бөөн залхуу. Тархиндаа нэг хардтай болчих юмсан.



Би оюутан гэдэг нэрэндээ хайртай ...

Өнөөдөр олон улсын оюутны эрхийн өдөр. Оюутан бүрийн өөрсдийнхөө эрхийг хамгаалуулж, өөрийнхээ эрхийн төлөө тэмцэх өдөр. Анх 1941 оноос тэмдэглэж эхэлсэн гэж байгаа. Гэхдээ жил бүрийн 11 сарын 17-ныг олон улсын оюутны эрхийн өдөр гээд нэрлэчихсэн л болохоос энэ өдрийг угтаад ямар нэгэн оюутнууддаа чиглэсэн үйл ажиллагаа бараг явуулдаггүй юм дөө. Явуулдаг байлаа ч гэсэн жирийн нэгэн оюутан бидэнд мэдрэгдэх нь ховор л доо.

Эсвэл намайг оюутан болсноос хойш зохион байгуулдаг арга хэмжээ нь байхгүй болчихсон ч юм уу хэн мэдлээ. Миний сонссоноор энэ жил энэ өдрийг угтаад их дээд сургуулийн сургалтын чанарыг дээшлүүлэх талаар хэлэлцсэн их дээд сургуулиудын профессоруудын хурал л болсон гэсэн.

Оюутан гэж нэрлэгдэж 150 мянгын нэг болж яваа болохоор энэ өдөр бол миний эрхийн өдөр. Миний их дээд сургуульд суралцах эрхийг ямар нэгэн байдлаар хааж боогоод, зөрчөөд байгаа юм бараг байхгүй болохоор гомдол санал нээх бичий гэж бодохгүй байна.

Анх 2005 оны 8-р сарын 25нд ШУТИС-ын Компьютер Техник Менежментийн сургуулийн хаалгаар алхан орж байж билээ. Нартай сайхан өдөр байсан санагдаж байна. Оюутан нэрийг зүүж, КтМС-ын оюутнуудын тоог нэгээр нэмсэн тэр өдрөөс хойш гурван жил өнгөрчихжээ.
Тэр цагаа өнөөдөр эргээд нэг дурслаа.

Хамгийн анхны тулгарсан асуудал нь хичээлийнхээ хувиарыг зохиох байсан юм. Их л ойлгомжгүй байсан санагдаж байна. Хүнээс асуучих гэхээр дээд курсынхан эхний өдөр бараг ирээгүй, ирсэн хэд нь бие биетэйгээ зуны амралтынхаа тухай ярилцаад зав байгүй. Үеийнхнээсээ асууя гэхээр бүгд миний өрөөсөн дугуйнууд.

Шинэ сургуульдаа үзсэн хамгийн анхны мэргэжлийн хичээл нь Алгоритмын Үндэс гэдэг хичээл байлаа. Програмист мэргэжлийн үндэс суурь нь. Цуг үзэж байгаа хүүхдүүд маань алгоритмыг 10 жилдээ заалгачихсан, зарим нь бүр С, Паскаль мэддэг байлаа.
Манай 10 жилийн сургууль мэдээлэл зүйн багш байхгүй гэдэг шалтгаанаар уг хичээлийг бараг ороогүй учраас би алгоритм болон програмчлалын хэлний ямар ч мэдлэггүй байсан юм.
Програмчлалын хувьд бол юу ч бичээгүй цав цагаан цаас хэхэ. Ингээд л эхнээс нь эхлээд судалсан даа. Интернэт эд нартай ч гэсэн анх КтМС-д ороод л танилцаж байлаа шд.
Хөгтэй хөгтэй юмтай их таарч, гайхаж, ангайж, биширч явсаар өдийг хүрсэн байх юм.

Сайхан дурсамжтай үе олон байна, харамсмаар зүйл ч зөндөө л байна. Одоо 7 хүрэхгүй сарын дараа сургуулиа төгсөнө гэж бодохоор муухай ч юм шиг гоё ч юм шиг.

Нийт оюутнууддаа олон улсын оюутны эрхийн өдрийн мэндийг хүргээд бичлэгээ өндөрлөе дөө.




Why Melo cut his hair?

Энэ улиралд Мело үсээ хусуулчихсан байсан юм аа. Уг нь тэр үсэндээ их хайртай, 10 жилээсээ сүлжиж тоглодог байсан гэсэн. Дүүтэйгээ NBA 2k9 мөрийтэй тоглоод хожигдчихсон юм байна шүү дээ.

Бид нар ч гэсэн бие биетэйгээ ингэж тоглож болох юм бишүү. хэхэ

Pacers-Pistons Brawl

Жинхэнэ зодоон гэж энийг л хэлэх байхдаа.

Сүртэй биш ч гэсэн зодоон болох нь болсон шүү.

Хьюстон Финикс хоёрын тоглолтон дээр зодоон маягийн юм болсон гэж байгаа. Тэр тухай л бичих гэж байна.

Уг нь бол бичлэг нтэр харж байхнээ 90-ээд оны үед чинь аймар зодолддог байсан юм байна лээ ш дээ. Тэрний дэргэд бол юу ч биш, жоохон түлхэлцээд л өнгөрсөн байна лээ.

Харин одоо бол тоглогчдийн сахилга бат хариуцдаг алба нь дүрмээ чангатгаад, аймар их мөнгөн торгуулиар торгоод зогсохгүй тодорхой тооны тоглолт өнжөөх, бүр ноцтой юм болсон бол лийгээс хөөх хүртэл арга хэмжээ авдаг болсон болохоор тоглогчид дургүйгээ л хүрвэл юу юугүй нанчилдаад байдаг нь багассан юм шиг байгаан.

Хамгийн сүүлийн том зодоон нь миний санаж байгаагаар нөгөө Индиана Детройт хоёрын алдарт зодоон болов уу. Үзэгчид, дасгалжуулагчдийг хүртэл хамраад авсан тэр зодооноос болж Индианагийн Жермайн, Артест эд нар нь тэр улиралд тоглох эрхээ хасуулж байсын. Тэр жилээ Индиана яалаа даа тээ.

Сүүлийн үед НБА-гийн тоглогчид харьцангүй зодоон цохион хийх нь багассан ч гэсэн бас л төрөлхийн омголон авиртай хүмүүс болохоор зангаа тийм ч амар тавидаггүй юм шиг байгаан. Дээр нь өөрсдийнхөө ганц чаддаг юм болох сагсаа тоглож байгаа болохоор бүүр цөс нь хөөрчихдөг бололтой юм.

Мат Барнес Алстоныг МкГрээди дээр засаа хийхэд нь хойшоо савтал нь түлхээд авснаас л хамаг хэрэг үүссэн. Угаасаа хамаг юм тэр Барнэсаас л болж байгаан ш дээ. Аймар бүдүүлэг алдаа хийхэд нь шүглээ үлээгээгүй шүүгчид нь гэсэн их бага хэмжээгээр буруутай шүү дээ. Шууд л түлхэнгүүт нь л үлээгээл, санаатай алдаа өгчихсөн бол тийм зодоон болоо ч уу үгүй юу.




Анти Вирусын програмаа шалгах

Хэрэв өөрийнхээ вирусын эсрэг програмыг ажиллаж байгаа эсэхэд эргэлзэж байвал дараах аргаар шалгаж болно.

Notepad нээгээд

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*


текстийг хуулж тавиад eicar.com нэрээр хадгалаарай.

Энэ нь тестийн жижиг вирус бөгөөд, үүнийг илрүүлж чадахгүй байвал анти вирусын програм чинь ажиллахгүй байна гэсэн үг.

Тоглоом ихдвэл толгойд харш

Би уг нь компьютер тоглоом энэ тэр нээх их тоглоод байдаггүй юм. Хүүхдүүд шиг дота нтэр гэж амь голоо тавиад ч байдаггүй. Яахав 10 жилд байхдаа NBA Live 2005, NFS-Underground хоёрыг бас тоглуул тоглчдог л байлаа. Хааяа бас буудвал буудчина. Яаж зүгээр байхав тиймээ. Аан тийн нээрээ Caeser 3 гээд стратегийн тоглоомыг бас тоглодог байсын байна. Тэр ч хаа байсан 98 оных мөртлөө агуу тоглоом байсан л даа. Аймар тасархай стратеги ш дээ. Амтыг нь нэг мэдэрсэн хүн ч салахад хэцүү дээ.

Харин оюутан болсноос хойш тоглоом ер нь тоглоогүй юм. Миний муу ПС-ны зиндаа ч шинэ гарсан тоглоомуудыг бараадахгүй болсон хэрэг. Тэгээл тоглоом энэ тэр гэж мартах шахаад байсын уг нь.

Энэ намар ЮуТүбээр NBA Live 09-ын трайлерийг нь үзсэн чинь тун дажгүй болсон шинжтэй. За энийг гарахаар нь учирч хуучнаа сэргээе ухааны юм бодоод байжийсан чинь EA Sport-ын NBA Live цуврал PC -нд зориулж гарахгүй гэдийм даа. Хакерууд ПС дээр хийчих байх гэж бодоод нээх тоогоочгүй. Тэгсэн нөгөө xBox дээр гардаг байсан NBA 2k гээд цуврал ПС-нд зориулж гаржээ. Оргүй дор охинтой нь дээр тоглож үздэг хэргээ хө гээд л гарсан өдрөөс нь эхлээд татаж эхэллээ. Татаад дуусангуут нь суулгаад л хаяцан. Инстол эдэр нь үнэн болхи байхаар нь за энэ ч бүтэлтэй эд биш байх гэж бодоод дотроо голонгуй байсныг яана. Ядаж байхад ямар их хэмжээтэй хог вэ гээд бас уур хүржийсийн. Тэгээд сууж дуусахаар нь нөгөөхийг чинь тоглож үзсэн чинь шууд дурлчихсан.

Ер нь бол ЕА-ынхтай зүйрлэшгүй сайн НБА болсон байна лээ. Жоохон муулчихад сүлжээгээр холбогдож тоглож болдоггүй юм билээ.

Тэгээд ойрын үед нөгөөхийг чинь компьютерийн ард суувал л нүдчихдэг болчлоо. Бодоод үзсэн чинь лав л уржигдар 5 цаг, өчигдөр 6 цаг, өнөөдөр 3 цаг тоглолоо.

Ер нь ингээд тоглоод байвал дон гэдэг юмыг нь тусаад шар хад руу явж магадгүй болчихоод байна. Урд шөнө бүр зүүдэлжийшд. Яая дөө байз. Яаж бага тоглодог болохов.

Тоглоод суунгуут л ертөнцөөс тасраад явчихын. Ол Стар үзээд байгаа ч юм шиг, Стаплес центрийн эхний эгнээний суудалд суучихсан ч юм шиг. Хар тамхи татхаар ингэдгийн гэсэн. Гүүглээс тоглоомонд донтохгүй байхын тулд яах тухай асуусан чинь тэр татагдаад байгаа тоглоомоо шууд shift + delete гэж хариулжийшд. Яа яа яа. Яахин устгаж чадах билээ дээ. Гар эвлэнэ гэж гонж юм билээ.

За гэхдээ эх захгүй ингээд тоглоод байвал бас болохгүй гэдгийг нэг муу ухамсар шүү юм байгаа болохоор бас ч сануулаад байгаамаа. Бас бүүр ч юу юугүй цагаандаа гарчихаагүй л бололтой юм.

Энэ сэдвээ бас л нээлттэй нь үлдээлээ. Сүүлд ямар аргаар тоглоомын дон тусах аюулаас сэргийлсэн гэдгээ бичнээ.
Гэхдээ юмыг яаж мэдэхэв. Сэтгэл мэдрэлийн эмнэлэгийн Интернэт кафегаас ч дараагынхаа постыг бичих юм билүү. За за муу ёр. Мод цохий. Ойр хавьд мод алга, босож муу шар модон шкафаа тогший энэ чинь.

Скинээ өөрчиллөө

Блогоо гоёдог юм уу гэж дотроо бодож явсын. Янз бүрийн template-үүд тавиал, Толгой хэсэгт нь гоёмсог зураг энэ тэр наагаал. Гэхдээ болиод энгийн нэг хар скин тавьчихлаа.

Энэ гэхдээ бас учиртай шүү.
Компьютерийн дэлгэц хар өнгийг харуулахад цагаанаасаа бага цахилгаан зарцуулдаг. Тэхээр блог уншиж байгаа хэн нэгэн ч гэсэн цахилгаандаа хэмнэлт гаргах байх гэж бодлоо.

Цагаан өнгийг бодвол хар дээр цагаанаар бичсэн нь уншихад бас нүдэнд арай амар ч юм шиг.

Stackhouse funny

Энэ одоо юу вэ хаха. Ямар ч адилхан гараав дээ.

Jason Kidd 101 дэх Triple double-оо хийлээ


Өнөөдөр Лейкерстэй хийсэн тоглолтонд Кидд трпл дабл хийлээ. Тэр өнөөдөр 16 оноо, 11 удаа самбараас бөмбөг авч, 10 оновчтой дамжуулалт хийснээр өөрийн сагсан бөмбөгийн Кареер дахь 101 дэх трипл даблаа хийсэн байна.

Энэ үзүүлэлтээрээ тэрээр бүх цаг үеийн трипл даблийн жагсаалтанд 3-рт жагсаж байна.

1. Oscar Robertson - 181
2. Magic Johnson - 138
3. Jason Kidd - 101
4. Wilt Chamberlain - 78
5. Larry Bird - 59

Мөн мань нөхөр бас Плейофф-т 11 трипл дабл хийсэн нь бас л бүх цаг үед 2-рт ордог аж.

1. Magic Johnson - 30
2. Jason Kidd - 11
3. Larry Bird - 10
4. Wilt Chamberlain - 9
5. Oscar Robertson - 8

Энэ улиралд онооны лидэр хэн болох вэ?

НБА эхлээд удаагүй ч гэсэн бас л халуухан уур амьсгал аль хэдийнээ орчихсон байна даа. Өнгөрсөн долоо хоногт чинь тоглогчид ямар ч их гэмтэв дээ базарваань. Сайн тоглогчид нь дандаа гэмтлээ ш дээ. Тони Паркер, Жош Смит гээд л толгой дараалаад бэртчих юм. Паркер уг нь бэртээгүй байсан бол Сан-Антониод их хэрэгтэй байсан юмсан. Хоёрын хоёр од тоглогч нь гэмтчихсэн одоо ч хэцүү дээ хэцүү. Ядаж байхад бэнч нь (Bench - сэлгээ) өнгөрсөн жилийнхээс эрс муудсан байх юм. Өнгөрсөн долоо хоногт Паркерийн тоглоогүй тоглолтон дээр Сан-Антониогийн сэлгээний тоглогчид нь өнгөрсөн жилийн Миами Хитийг санагдуулж байсан шүү. Яана даа яана энэ жил. Дээр нь вестрен конфренцын багууд бүгдээрээ шахуу хүчирхэгжчихсэн байдаг.

Энэ жил онооны лидэр хэн болох вэ гэж бодож үзлээ. Өнгөрсөн жилийн лидэр Коби болох уу? уржнан жил тэргүүлсэн Жеймс болох юм болов уу?
Эсвэл рүүки тоглогч Майо болох юм болов уу? хэхэ. Худлаа худлаа тоглосын. Майо ч болж чадахгүй л дээ. Гэхдээ л сая өнгсөрсөн хэдэн тоглолтыг нь харахад аймар оноочин гар байна лээ шүү.
Онооны лидэр болж байгаа хүмүүсийг харжээ байхнээ дандаа багынхаа ганцаардахгүй ганц дайчин нь байдаг юм. Тэхээр энэ жил коби болохгүй байхаа. Яагаад гэвэл энэ жил Лейкерсын бусад тоглогчид кобиг хөлсийг нь гоожуулаад оноонд чардайлгаад байхааргүйгээр сайн байгаа. Газол, Байнум, Одом, Воо - Яа - Жич, дэлдэн фармар гээд л ...
Бас нөгөө Радманович байна. Тэгээд ч коби одоо ганцаараа амиатаад байхгүй багынхаа бусад тоглогчидтой ойлголцож, тэдэнд бас оноо авах боломжийг олгодог ухаалаг багын ахлагч болсон шүү дээ. Ганцаараа зүтгээд дийлэхгүй гэдгээ хоёр жил дараалаад Финикст хожигдоод ойлгосон байхаа. Тийм болохоор коби ер нь болохгүй байхаа. Тэхээр таамаглалаасаа хаслаа.

Тэхээр хэн гэж?

Ер нь бол Жеймс юм уу Вейдын аль нэг нь болох байхаа даа. Энтони ч болохыг хэн мэдлээ. Ер нь онооны лидэр гэдэг чинь хамгийн амиа гэсэн үг юм биш үү. Бас нэг юмыг харахад хэн сайн шиддэг нь биш хэн олон шиддэг нь оноогоороо лигийг тэргүүлээд байх шиг байгаан. Жэймс бол ер нь л төдийгээс өдийг хүртэл багаа чирч явж байгаа нэгэн. Плейоффт шалгарахад Жеймсийн багт хожил хэрэгтэй. Тэр хожлийг хэн багтаа авчирч чадах вэ? Тэр бол Жеймс. Хожлыг оноо олныг түүж байж л авчирна. Тэхээр Жеймс энэ жил тэргүүлдэггүй юм аа гэхэд нэлээн дээгүүр орох байхаа. Бурханы авралаар бэртчихгүй л бол ...

Айверсон Детройт руу явснаар Энтони одоо өмнөхөөсөө олон шиднэ гэсэн үг. Тэхээр мань нөхөр хэрэв сайн шидээд байх юм бол бас тэргүүлж магадгүй.

Эсвэл энэ жил айхтар формтой байгаа Вейд лидэр болох юм боловуу?

Лигт оноочин гарууд зөндөө бий.

Жое Жонсон, Жамаал Крафорд, Траси МкГреди, Хэдо Туркоглу гээд л. Яг одоо энд бичихэд ч гэсэн зөндөө олон оноочин гаруудыг санаанд орж ирэхгүй болохоор нь орхиод л бичиж байна.

Яг одоогын байдлаар Жеймс 28.1 оноогоор тэргүүлж, Тони Паркер 27.4 оноогоор удаалж, харин гуравт Вейд 27.1 оноотой явж байна.

Гэхдээ асуултыг нээлттэй үлдээлээ гэж. Улирал дуустал зай ч байна, лай ч байна ...


NBA Talk

Би Ийглээр НБА ТОК үздэг юм. Сагсан бөмбөгийн сэдвээр явуулдаг ганц дажгүй монгол нэвтрүүлэг л дээ. Тайлбарлалт, нэвтрүүлгийн агуулга, чанар, бэлтгэл гээд л бүх зүйл нь дажгүй санагддаг. Хоёр хөтлөгч нь бас НБА -гийн талаар мэдлэг сайтай шүү. Энэ жил Идэрээ гээд өндөр туранхай хөтлөгч нь Монгол телевиз рүү орсон гэсэн. Тэхээр одоо нэвтрүүлгийг ганц Ялалт тайлбарлан хүргэж байх болж байна.

Ер нь тайлбарлагч гэснээс манайд спортын мэргэжлийн тайлбарлагч цөөхөн байдаг шүү. Гэхдээ үндэсний бөхөө бол сайхан тайлбарладаг юм. Аргагүй шүү дээ. Үндэсний спорт нь юм чинь. Талийгаач Ганбаатар, Чанрав гээд хүмүүсээр тайлбарлуулаад бөх үзэх ч сайхан байдаг байсан шүү.
Бусад спортын тайлбар ч хэрэг байхгүй дээ ёстой. Тэр нэг ТВ9-р тайлбарладаг нэг сөөнги хоолойтой гар бол надаа угаасаа таалагддаггүй. Хачин бархираад байгаа юм шиг санагддаг юм. С1-ээр харин сайн тайлбарлагчид тайлбарладаг. Хөл бөмбөг, Формула 1 хоёрыг бол мэргэжлийн түвшинд тайлбарладаг шүү.

Өнгөрсөн жил НБА-г SBN-ээр шууд дамжуулахад Хантулга, Хосоо гээд хоёр тайлбарлагч тайлбарладаг байсан. Энэ жил харин яаж байгааг нь мэдэхгүй. Улирлын тоглолт эхэлснээс хойш SBN-ээр НБА үзээгүй. Тэр хоёрын тайлбарлалт бас л хэцүү дээ хэцүү. НБА-гийн мэдлэг нь хир тааруу дээрээ буруу зөрүү ярина, хадуураад явчихна, сул үг дандаа хэрэглэнэ.

Харин НБА токийг хөтөлдөг хоёр сэтгүүлч маань цуг суугаад НБА -гийн тоглолтийг шууд тайлбарлавал харин дажгүй тайлбарлачиж магадгүй санагдаад байдаг юм.
Одоо НБА ток нэвтрүүлэгтээ НБА-гийн эргэн тойрны мэдээллийг илүү дэлгэрэнгүй хүргэж байвал бүүр илүү сонирхолтой болно доо. Тоглогчдын өдрийн дэглэм, зуны амралтаараа юу хийдэг талаар нь, бас гэр орных нь тухай мэдээлэл гаргаж байвал бүүр илүү сонирхолтой болно доо.
Нэвтүүлэг нь хагас сайн бүр оройны 7:30-с гардаг.

Өнгөрсөн борооны хойноос цув нөмрөв.

Өнгөрсөн зуны амралтаар шүд өвдөөд, хөдөө халит ломбодуулсан болсон юм. Үндсэн ломбо нь нээх удаан тэссэнгүй, тэр дороо л уначихсан. Харин доор нь хийсэн эмтэй ломбо нь унахгүй нэлээн удаад, миний шүд ч өвдөхгүй сайхан л байлаа. Харин өнгөрсөн долоо хоногоос эхлээд нөгөө ломбо нь унаж эхэлсэн үү яасан нөгөө шүд маань бага багаар өвдөж эхэллээ дээ.

Би хамгийн хэцүү өвчинг шүдний өвчин гэж боддог. Хоёрдугаар курст байхад нэг удаа шүд хорхойтож өвдөөд бүүр зүрхэнд орчихсон юм. За тэрэн шиг аймар өвдөлтийг би урьд өмнө нь мэдрээгүй, хойшид ч гэсэн бараг мэдрэхгүй байх дөө. Бас л наадмаар хөдөө явчихаад ирж байхад шүд өвдөж байсан. Тэгэхэд өглөө нь эмчилгээ хийлгэнэ. Орой нь өглөөний хийсэн эмчилгээ нэмэр болохгүй дахиад өвддөг байж билээ. Гурав хоног тэгж зовсон доо хөөрхий. Өвчин намдаах ямар ч арга хэмжээ тус болохгүй, сүүлдээ аргаа бараад архи хүртэл уусан гээд бод л доо. Архи ч гэсэн тус болоогүй л дээ. Одоо бодохоор л ахиад шүд өвдөх шиг болж байна.

Өнөөдөр эмнэлэг орж, нөгөө өвдөж эхэлсэн шүдээ эмчлүүллээ. Хөдөө ломбодуулахад мэдрэлийнх нь сувгийг бүрэн тасалж чадаагүй, сувагт нь юм хийгээд орхичихсон байсан зэрэг "но" нь өнөөдөр л илэрлээ. Өмнө нь хөдөө муу эмнэлэгт муу эмчилгээ хийлгэсний харгайгаар өнөөдөр дахиад л үхэхээ шахлаа ш дээ.
Би ер нь багадаа чихэр их иддэг байсны хор уршиг нь одоо ингэж гарч байгаа юм. Чихэр, шоколадыг даанч их иддэг байж билээ. Дээр нь шүдээ угаахгүй унтана. Яахав тийм байсан байж одоо ганц хоёрхон шүд эмчлүүлж байгаа нь бас танагтай шүү. Уг нь багаасаа чихэр амсахгүй, дандаа ааруул мэрж явсан бол өдийд нэг ч хорхойтой шүдгүй сайхан байхсан даа.
Дээхнэ үед чихэр ховор байхад хүүхэд байсан хүмүүс ямар азтай вэ?

Ер нь миний одоо харамсаад барахгүй байгаа зүйл бол жаахан байхдаа хэрэггүй л чихэр их иддэг байж. Бас бага байхад манайх өвөл нь сэрүүхэн байдаг байсан санагдаж байна. Ер нь хааяагүй халаалт муу байсан дөө. Халуун ус байдаггүй байсан болохоор ээжийг шүдээ угаа гэхээр нь шүдний ооноос жоохныг авч амандаа хийгээд, буцааж нулимж хаячихаад, угаалгын өрөөнөөс гарч ирээд ооны сэнгэнэсэн үнэрийг үнэртүүлж хуурдаг байсансан. Шүдээ угаагаад сойзоо, амаа зайлахад гар аймар даардаг байсан юм. Одоо үүндээ харамсаж байна.

Үйлийн үр гэж нэг юм байдаг гэдэг. Буддын гүн ухаанд юм уу юунд ч юм үйлийн үрийн тухай гардаг гэсэн. Би тэр үйлийн үрийн талаар нарийн ширийг нь мэдэхгүй л дээ. Гэхдээ үйлийн үр байдаг гэдэгт нэлээн өмнөөс итгэдэг болсон. Түүндээ өөрийхөөрөө тайлбар олсон.
Тайлбарлах гээд оролдоё. Миний урьд өмнө нь хийсэн нүглийн үр дүн нь надад хэзээ нэгэн цагт эргэж тусахыг үйлийн үр гэх болов уу. Хэрэв чи өмнө нь их бага гэлтгүй ямар нэгэн үйлийг хийсэн л бол үйлийн үр нь дараа нь чамд заавал эргэж тусна. Сайн үйлийг хийвэл сайн үйлийн үр, муу үйлийг хийвэл муу үйлийн үр учирдаг байхаа.

Хэрвээ би жаахан байхдаа шүдээ угаахгүй ээжийгээ хуурч нүгэл үйлддэггүй байсан бол өдийд ингэж төмөр багажаар амаа ухуулж зовлон амсахгүй л байсан.
Ер нь ганц шүдэн дээр ч биш л дээ. Өдий 21 нас наслахдаа аль нүгэл үйлдэхийг тэр гэхэв дээ. Тэр болгоны үйлийн үрийг одоо юм уу хойчдоо амсавал юу болох болоо. Тийм болохоор аливаа нэг үйлийг хийхдээ заавал ирээдүйгээ бодолцож байж хийх хэрэгтэй юм байна.

Хэрвээ би ...

Хэрвээ би ...

Гарчиггүй ...

Блогспот дээр блог бичиж эхэлснээс хойш сар гарангын хугацаа өнгөрчээ. Нэг сар гэдэг бол богино хугацаа л даа. Жишээ нь би нэг сарын өмнөөс эхлээд өнөөдрийг хүртэл яг юу амжуулсан бэ гээд бодлоо л доо. Тэгсэн чинь би ер нь шальтай юм хийж чадаагүй юм байна. Адаглаад л сарын өмнө төслийн ажлын эхний үзлэгэндээ орсноос хойш өгөгдлийн баазаа үүсгэсэн, програмаа баазтайгаа холбож хэдхээн мөр код бичснээс өөр дорвитой юм юу ч хийгээгүй ажээ.
Тэгээд энэ хугацаанд ер нь юу хийж байсан хүн бэ гэж эргүүлээд бодлоо. Уг нь өнгөрсөн нэг сар гаруйн хугацаанд хичээлээ бараг таслаагүй, гадуур нэг ч тэнээгүй, ганц хоёрхон удаа л заал авч тоглосон.
Тэгээд ер нь юу хийсэн хүн бэ би?
Идээд л унтаад л, хичээлд явсан нэртэй цагаа нөхцөөж хайран сайхан цагаа хий дэмий үрж байсым гэжүү. Бараг л тэгж таарлаа шүү.

Хүн яагаад дандаа өнгөрсөн юмны хойноос харамсдаг юм бол. Нэг юм болоод өнгөрчихсний дараа л тэгдэг л байж, ингэдэг л байж гэж баахан харамсана. Тэгсэн хирнээ шаал худлаа, дараа дараагын юман дээрээ бас л алдаа гаргаж л орхидог. Дараа нь ахиад л үүндээ харамсана.
Өдөр хоногыг ийм байдалтай өнгөрөөмөөргүй байнаа. Одооноос өөрийгээ дайчлаад жаахан юм хийе дээ энэ чинь ...

Need For Speed Undercover тун удахгүй



Need For Speed цувралын шинэ нь тун удахгүй гарах гэж байгаа юм байна. Трайлерээс нь харахад дажгүй болсон шинжтэй байна шүү. Одоо 11 сарын 18 нд албан ёсоор нээлтээ хийх юм байна.


Need For Speed Underground 2 -г тоглож байснаас хойш энэ цувралыг бараг тоглосонгүй дээ.

Азгүй од



Грег Оден гэж нэг азгүй гар байнаа. Уг нь гайгүй од юм шиг байгаан. Дуулдаал байгаан. Юун Ховард, Юун Шак гээд л яригдаад байсан. Даанч тэр золиг НБА-д тоглох хувьгүй төрсөн туучий бололтой. Драфтлагдсан жилээ бүтэн улирлын туршид гэмтлээс болоод тоглоогүй гэж байгаа. Багт том гарз байлгүй яахав. Тэгээд өнгөрсөн зун гэмтлээ илааршуулаад энэ жил тоглохоор болжээ мань нөхөр.

Тэгээд яав, улирлын эхний тоглолтоо Лейкерстэй хийсэн. Яасан бэртчихсэн. Бэртэл нь 2-4 долоо хоногын хугацаанд эдгэрнэ гэсэн. Багаар бодоход 14 хоног, 4 тоглолт. Ядаж байхад НБА-д тоглож үзсэн ганц тоглолтондоо оноо аваагүй гээд л бод л доо. Яахав Байнум дээр нэг аймар хаалт тавих нь тависан л даа. Тэр блокыг ч Байнум мөддөө мартахгүй бизээ. Гэхдээ л энэ нь мань нөхрийн хэрхэн тоглох тухай хүмүүсийн хүсэн хүлээж байгаа үр дүнгийн хажууд бол юу ч биш л дээ.

Тэгээд бэртэл авахдаа шал тэнэг бэртэхийн ядаж байхад. Самбараас бөмбөг аваад буухдаа хүний хөл дээр гишгээд л бэртчихсэн. Ядаж шидээд оруулаад, нэмэлт аваад бэртэх ч юм уу, блок хийгээд хүн дээгүүр давж нисээд бэртчихсэн бол арай өөр байхгүй юу.

Нэг бяцхан түүх өгүүлье.

Жордан ахын үед л юм шиг байгаан. Сем Бовие гэж нэг коллежийн хашраадаг гар уг нь НБА-д орж ирсэн юм байжээ.
Тэрийг тухайн үед Портленд Трайл Блазерс драфтын хоёроор сонгож авч байсан байгаа юм. Оден-той адилхан бас нэг юм байгаа нь тэр бас төвийн тоглогч байжээ. Та нар боддоо. Тэр драфтад Hakeem Olajuwon, Micheal Jordan, Charles barkley, John Stockton эд нар байсан юм байна. Тэдэн дундаас 2-р сонгогдсон гэхээр уг нь ямархуу тоглогч гэдэг нь харагдаад байгаан. Даанч мань нөхөр бэртэл гэмтлээс болоод НБА-д нэр алдраа дуурсгаж чадаагүй ажээ. Одоо Sam Bowie гэдэг тоглогчийг хир баргын НБА сонирхогч мэдэхгүй биз дээ.

Грег Оденийг энэ түүхийг давтчих вий дээ гэсэн айдас төрж байна шүү. Гэхдээ яахав сагсан бөмбөгийн бурхан байдаг бол ивээх байлгүй дээ.

Мэл гайхаж цэл хөхрөв.


Энэ НБА нээрээ улам л сонирхолтой болоод байх юм аа. Хоёрхон цагын өмнө сургууль дээрээ сууж байхдаа Яахоогын НБА-гийн Сайт руу нь орж харахад тэр талаар юу ч байгаагүй юм. Сургууль дээрээс гараад сажилсаар яваад гэртээ ирээд харсан чинь НБА донсолгосон мэдээлэл гарчихсан байдгийм даа. Тэр нь юу вэ гэвэл Аллен Айверсон Детройт руу явчихсан байх юм даа. Оронд нь Биллапс, Мкдайс хоёрыг Детройт явуулсан байна.

Энэ наймааны гол учир нь 2010 онд дуусах ЛебРон Жеймс бололтой. Детройт одооноос үнэ ихтэй тоглогчдоо тараагаад, цалингын сул зай гарангуут Жеймсын төлөөх дуудлага худалдаанд оролцох бололтой.

Энэ наймаанаас Детройт хожихуу Денвер хожихуу гэдгийг цаг хугацаа л харуулах биз дээ.

Эх сурвалж: Яахоо Спортс

Хөгширч байна даа Сан-Антонио минь

Шинэ улирлын эхний хоёр тоглолтдоо дарааллаад хожигдчихлоо шүү дээ. Онооны гол хүн Жинобили минь дутагдаад байна уу даа. Сүүлийн есөн жил дараалаад улирлын тоглолтонд 50-с дээш ялалт байгуулж байгаа, 4 удаа аваргалсан амжилтаа энэ жил бататгах гэж үзнэ шүү. Сондтой тоотой жил бол та нарын жил шүү дээ. Бостоны гурвыг их гурвал их гурвал л гэх юм. Та гурав бол жинхэнэ их гурвал шүү. (Tim Duncan, Manu Ginobili, Tony Parker) Тэр гурвыг та гуравтай харьцуулж болхооргүй тийм агуу гурвал шүү дээ та гурав. Шинэ улиралд чинь амжилт хүсье. Урагшаа Спурс !!!

Лус савдаг гэж байдаг.

Лус савдаг гэж үнэхээр байдаг. Харин сүнс чөтгөрийн тухай сайн мэдэхгүй юм. Сүнстэй таарсан, Чөтгөртэй тааралдсан гээд л яриаг зөндөө сонсож, зөндөө олон номноос уншсан. гэхдээ л бүрэн итгэдэггүй юм. Яагаад гэвэл би өөрийн нүдээр хараагүй. Нүд үнэн чих худал гэдэг биз дээ. Гэхдээ ямар нэгэн догшин уул, усанд лус савдаг байж, уул усаа хамгаалж байдаг гэдэгт итгэдэг.

Манай байр булган уулын энгэрт, аймгийн төв дотроо уултай хамгийн ойрхон байдаг байсан юм. Одоо ч гэсэн байгаа л даа. Бид нар гадаа их тоглоноо. Өвөл зун гэж ялгалгүй гадаа их тоглодог байсансан. Өвөл нь чаргаар булган уулынхаа энгэрээс гулгаж тоглоно, булган уулынхаа зүүн суганаас урсах горхины мөсөн дээр эсгий гуталд савдаг какас уяагаар хүлээд л гулгаж тоглодог байж билээ. Зуны сайхан цагт нь 9, 10 - р байрны дунд байдаг элсэн дээр л өнждөг байсан. Тэр элс тоглоход ямар сайхан гээч. Тэр үеийн манай байрны багачуудын ертөнц тэр элсэн дээр бүрэлддэг байсан. Харамсалтай нь одоо машины зогсоол болчихсон юм. Бас булган уулыхаа энгэрийн хадан дээр их тоглодог байж билээ. Эргээд тэр цагтаа очихсон.
Долоон настай байхад надад нэг явдал тохиолдож билээ. Хавар 4 сарын үе байсан юм. Байрныхаа хүүхдүүдтэй хамт уул руу яваад, улаан бурханы хавьд баахан тоглож байгаад ирж билээ. Дулаахан ч өдөр байсан юм. Тэр үед би сургуулийн бэлтгэл ангид явдаг байсан. Тэр уул руу явж тоглодог өдөр чинь бүтэн сайн өдөр байсан шиг санагдаж байна. Баахан тоглож тоглож гэртээ ирээд, зүв зүгээр хоолоо идээд л унтсан санагдаж байна. Харин маргааш нь өглөө нь сэрээд, босоод жорлон руу явах гэсэн чинь би явж чадахаа байчихсан байсан. Хөл биеэ даахгүй, ажиллахгүй байсан. Хүүхэд юм болохоор би юугаа мэдэхэв дээ. Босож ирээд дахиад л явах гэсэн чинь чадахгүй унаад байсан санагдаж байна. Тэгэхэд аав ажилдаа явчихсан, ээж арай явах болоогүй байсан юм. Тэгээд л ээжийг дуудаад, ээж ч ирээд, сандраад, аавыг ажлаас нь дуудаад, аав ирээд, жижиг эгч маань сургуулиасаа тарж ирээд, манай гэрийхэн үймэлдээд бөөн юм болж байсан юм даа. Дараа нь эмнэлэгээс эмч ирээд, баахан үзэж байгаад л явж байсан юм. Аавын нэг найз эмч нь бас ирээд, миний хөлийн шилбэнд нэг шар өнгөтэй тос түрхэж байсныг би сайн санаж байна. Ээж маань зайлуул уйлаад, хүмүүс манайд ирээд, баахан гайхаж байгаад л явж байсан. Тэр байдлаар 1 билүү 2 хоносон юм даа. Анагаах ухаан эмчлэх аргаа олохгүй байсан болохоор аав нэг ламаас асуусан гэсэн. Тэгтэл танай хүү чинь лус савдагт бариулсан байна, лусын хорлол болжээ гэж хэлсэн гэсэн. Би уул руу явж тоглосон өдөр уулан дээрээс чулуу юм уу мод хөндөөд лус савдагт нь баригдчихсан хэрэг л дээ. Ер нь манай Булган хайрхан чинь их догшин уул л даа. Гэхдэ хүүхэд л юм хойно юугаа мэдэхэв дээ. Ингээд гэртээ нэг лам авчирч ном уншуулж билээ. Тэр лам их сайн лам байсан санагдаж байна. Ном уншихдаа намайг хажуудаа суулгаад, хааяа хааяа над руу нулимаад байсан нь миний санаанаас гардаггүй юм. Тухайн үед жаахан байсан болохоор өөрийгээ суумгай болж ч магадгүй байгааг ойлгохгүй, ламыг ном уншихад дотроо шоолоод, инээгээд сууж байсан юм даг. Ном уншуулсаны маргааш өглөө зүв зүгээр болоод босоод явчихаж билээ. Юм гэдэг нээрээ сонин шүү. Надад тохиолдож байсан тэр зүйлд би одоо ч хариултыг нь олж чаддаггүй. Гэхдээ би одоо баярладаг юм. Ямар азаар ... гэж. Хайрхан минь намайг харж үзээд, тухайн үед анхааруулсан хэрэг л байх гэж одоо боддог. Ер нь энд тэндэхийн уул усан дээр очихдоо болгоомжтой байвал зүгээр санагддаг шүү. Ямар ч л байсан уул усны лус савдаг байдаг гэдэгт тэр явдлаар итгэдэг болсон доо.

Алсын газрын зэрэглээ

Алсын газрын зэрэглээ нь
Адуу шиг мал шиг харагдана аа хө
Алиа хонгор хүүгээ
Айсуй байхад нь баярлалаа

Холын газрын зэрэглээ нь
Хонь шиг мал шиг харагдана аа хө
Хонгор жаахан хүүгээ
Хоноод явахыг хүснэ


Enigma - The Eyes Of Truth

Энигма-гийн энэ аялгууг уг нь нэлээн дээр үед сонсож байсын. Анх аягүй гоё сонсогдож билээ. Уг нь манайхан л гадны аялгууг хулгайлдаг юм байх гэж бодсон чинь энэ алдарт энигма нь манайхаас уртын дууг маань хусчихсан дэлхийд гайхуулаад явж байна. Чаддагсан бол: Энэ чинь монголын уртын дуу шүү, уртын дуу гэж ийм сайхан дуу байдгийн шүү гээд дэлхий дахинд таниулах юм сан даа.



Эндээс татаж аваад сонсож болно шүү.

Magic Numbers

Програмын кодонд янз бүрийн тоог хувьсагчид утга оноохгүйгээр шууд ашигласныг шидэт тоо гэнэ. Шидэт тоог аль болох ашиглахгүй байвал зүйтэй. Учир нь өөрийн бичсэн кодоо дараа нь харахад, эсвэл чиний бичсэн кодыг өөр хүн харахад ойлгомжгүй байдал үүсгэж, програмыг хөгжүүлэх явцад хүндрэл үүснэ.

Keane - The End Of The Earth

Би чөлөөт цагаараа гадаад дууны үгийг нь хайж олоод, дууг нь тавьж байгаад дагаж орилох дуртай. Хэдийгээр дуулж чаддаггүй ч гэсэн тэгж чарлахаар өөртөө сайхан кайф авдаг юм.
Өөрийнхөө сонсох дуртай Keane хамтлагын The End of The Earth дууг тавилаа.

To The End Of The Earth - Keane


keane - To The End Of The Earth

down in the old town, when my mind is wandering
round empty hallways, when will i be one again?

you're just making it harder for yourself
making it easy for everyone else
making it easy for me

in the old town
you'll never be in and you never get out
you learn from the family
you'll never be in and you never get out
to run to the end of the earth

under the archways, when my mind is wallowing
down to the country, where i will be well again

you're just making it harder for yourself
making it easy for everyone else
you're making it easy for me

in the old town
you'll never be in and you never get out
you learn from the family
you'll never be in and you never get out
to run to the end of the earth, to the end of the earth
and run to the end of the earth

build me a home underground
free from light and sound
build me a home in the air
i will run to the end, to the end, to the end of the earth
and run to the end, to the end, to the end of the earth
and run to the end of the earth

A-Sound: Release Album



Гайхалтай уянгын дуутай А-Саунд хамтлагын Release цомогтой танилцана уу. Би лав Энэ албомыг нь сонсоод удаагүй байна. Үнэн гоё уянгын дуутай юм байна.
Дуунууд:

  1. Crying
  2. Шал Дэмий
  3. Уянга
  4. Hey There
  5. Dancer
  6. 30 Жил хамт байхсан
  7. Forever
  8. Shine On
  9. Хувь хүн
  10. Шал Дэмий ( Дагшаа хувилбар )
  11. Collection
Эндээс татаад сонсоорой ...

Баримлын шаварны тухай

Би багадаа баримлын шавраар тоглох их дуртай байж билээ. Хичээлээсээ ирээд л тоглоод суучихдаг байсансан. Баримлын шавраар тоглох ч сайхан л даа. Эмээ маань хөдөө байдаг байсан болохоор зун болон цагаан сар болгоноор хөдөө явна. Тийм болохоор тэр үеийн дурсамжууд хөдөөтэй салшгүй холбоотой.

Хөдөө оччихоод аавыгаа дагаж байнга тугалын зэлэн дээр очоод л үнээ ивэлгэж саахыг харж зогсдог сон.

Хөдөө их явдаг байсан болохоор миний тоглодог тоглоом маань ч гэсэн хөдөөтэй холбогдсон байх. Эхлээд би өөрийгээ хурдан морь гээд бүсээр диваны хөлнөөс уячихаад л тоглодог байж билээ. Нэг удаа эмнэг морь болж булгиж тоглож байгаад паар (халаалтын шугам) мөргөөд баруун нүдээ сохлохоо шахаж байж билээ. Дараа нь хөдөөний амьдралыг баримлын шавраар хийж тоглодог боллоо. Адуу, үхэр, хонь, ямаа, гэр, тэрэг, хураалттай түлээ, тугалын зэл, гүүн зэл гээд бүгдийг нь л хийдэг байсан сан.

Хүнд ямар нэг төрөлхийн авьяас байдаг гэж би боддог. Миний төрөлхийн авьяас бараг баримал барих байсан байхаа. Хүн дуртай юмаа хийхдээ авдаг кайфыг би зөвхөн баримлын шавраар юм хийж байхдаа л авдаг байсан. Хэдийгээр балчир байсан ч гэсэн дуртай юмаа хийхийн жаргалыг амсаж чаддаг л байж дээ.

Ширдгэн дээрээ жижиг жижиг баримлын үртэс зөндөө унагана. Баримлын шавар ширдгэн дээр унаад, тэрийг нь гишгэчихээр ширдгэний үстэй наалдаад арилнаа л гэж байхгүй. Тэгээд л ээжид загнуулна шүү дээ. Намайг тэгж хог тарьж тоглодог байсан болохоор ээж намайг баримлаар тоглуулах дургүй байсан юм. Гэртээ цэвэрхэн суух гэсэн гэрийн эзэгтэйн санаа байсан байх л даа. Уг нь тэр үед аав ээж хоёр хүүгийнхээ авьяасыг хөгжүүлээд явсан бол би одоо Микеланджело шиг уран барималчин болчихсон ч байх юм билүү хэхэ. За за наргиа наргиа. Авьяас хөгжүүлнэ гэдгийг ширдгэн дээрээ баримал унагахыг зөвшөөрөх гэсэн үг гээд ойлгочихов оо. Дугуйлан, секц эд нарыг хэллээ. Угаасаа тэгсэн бол ингэсэн бол гэдэг хувилбар шал дэмий. Тэртэй тэргүй тухайн үед болоод л өнгөрчихсөн юмыг өнгөрсөн хойно нь яаж ч эргүүлэх гээд болохгүй шүү дээ. Хэрвээ тэгдэг байж, ингэдэг байж гээд байвал цаг хугацаа ухарчихдаг байсан бол надад тэгж хойшлуулмаар юм зөндөө их байна. Бүр зөндөө их шүү. Нэгэнт л тэгж чадахгүйгээс хойш араас нь харамсах юмыг хойшдоо л бага хийхийн төлөө л амьдрах ёстой. За бага зэрэг хадуураад явчихав уу даа. Яриандаа эргээд оръё.

Ер нь намайг бага байхад хүүхдүүд баримлын шавраар их тоглодог л байсан санагдах юм. Харин сүүлийн үед баримлын шавар харагдахаа байсан юм уу даа. Дэлгүүрийн лангуун дээрээс баримлын шавар харсангүй зөндөө удаж байна. Уг нь гэхдээ яг ч баримал олъё гээд тоглоомын дэлгүүр хэсээд яваагүй л дээ. Тэхдээ л ховордсон байхаа. Сүүлийн үед хүүхдийн тоглоом их гоё болоод, баримлын шавар мэтхэнийг тоохоо болио биз дээ. Баримлын шавраар хийж болохгүй юм байхгүй. Хамгийн универсаль тоглоом доо. Сургуульд орохоосоо өмнөөс эхлээд бараг дөрөвдүгээр анги төгстлөө баримлын шавраар тоглодог байлаа. Тэгээд дараа нь нас ахисаных уу ээжийн дарамт шахалт нөлөөлснийх үү ? баримлийн шавраа орхиод унадаг дугуйгаар тоглодог болж билээ. Баримал бид хоёрын өнгөрүүлсэн 6 жил ...


Firefox vs. Internet Explorer

Ийм л байна. Юу хэлэх вэ дээ. Угаасаа Internet Explorer бол хог ш дээ. Ямар удаан, хэрэглэхэд эвгүй гээч. Дэргэд нь Firefox бол тасархай л даа. Ядаж байхад үнэгүй гэж байгаа.

Миний хэрэглэдэг програмууд: Kaspersky Internet Security 2009

Энэ бол миний хэрэглэдэг антивирусын програм.

Ямар антивирусын програм хамгийн сайн нь вэ? гэдэг асуултанд хүн болгон өөр өөрийнхээрээ хариулах байх.
Энд бичсэнээр бол:
  1. BitDefender AntiVirus
  2. Kaspersky AntiVirus
  3. ESET Nod32
  4. AVG AntiVirus
  5. F Secure AntiVirus
  6. Trend Micro
  7. Mcafee VirusScan
  8. Norton AntiVirus
  9. CA AntiVirus
  10. Norman AntiVirus
юм байна.

Гэхдээ Касперский сайн л даа. Би Касперский хэрэглээд 3 жил болж байна. Өмнө нь Mcafee Virus Scan Enterprise хэрэглэдэг байсан юм. Хоёрдугаар курст байхад билүү дээ манай сургууль дээр Аллах гэж нэг вирус дэлгэрсэн юм. Тэр вирусыг макафий олж устгаж чадахгүй, харин Касперский хамгийн сайн илрүүлж, устгаж байсан болохоор нь касперскийг хэрэглэж эхэлсэн. Түүнээс хойш Касперскийг тасралтгүй хэрэглэлээ. Миний итгэлийг алдсан удаа байхгүй. Ер нь орос ах нарын бүтээл цаанаа л нэг өөр байдаг шүү дээ. Файлыг шалгахдаа компьютерийг жоохон удаагаад байдаг дутагдалтай талтай, гэхдээ Нортон -г бодвол ч хурдан л даа.

Миний хэрэглэдэг хувилбар: энд байгаа, харин ажилладаг Лиценз нь энд байна.

Weblog of Linus Torvalds

За Линүксийн загалмайлсан эцэг болох Линүс Торвалдс (Linus Torvalds) хувийн блогоо нээжээ. Тэрээр энэ блогтоо гэр бүл, хувийн амьдралаа бичих бодолтойгоо дурдсан байна. Мөн өөрийн зохиосон системийнхээ талаар бичихгүй өнгөрнө гэж юу байхав, хэдийнэ бичээд эхэлжээ.
Блогийн хаяг нь http://torvalds-family.blogspot.com/ Хааяа ороод гарчиглачихаж байхад буруудахгүй л байх.

Эх сурвалж: Бадаагийн блог

Blog of Sergye Brin

Google-г үндэслэгч Сергей Брин өөрийн хувийн блогоо нээжээ. Гэхдээ мань хүн өөрийн ажлийн талаар бичихгүй юм байна. Тэрээр блогтоо өөрийн хувийн амьдралын талаар бичиx болно гэжээ. Блогынх нь домайн нэр нь тун энгийн http://too.blogspot.com.

Сергей Брины хувийн блогт хааяа нэг зочлоход зүгээр байхаа.

Сергей Брины блог

SKYLINK FILE HOSTING




Энэ бол интернэт дэх таны хард диск. Skylink компаны шинэ үйлчилгээ. Нэг удаа 90 мегабайт хүртэл хэмжээтэй файл оруулж болох ба оруулсан файл хэзээ ч устахгүй байж л байна. Нийт оруулах файлын хэмжээ хязгааргүй. Тэд өөрсдийн шинэ үйлчилгээгээ ингэж магтаж байна. Ер нь бол аплоад хийсэн файл устахгүй байна гэдэг сайн л даа.
Хэрэглэх нөхцөл нь зөвхөн Sky C&C болон Skylink - н хэрэглэгч байхад л болно.
Би өөрөө Скай СИ СИ - гийн хэрэглэгч учраас надад бол дажгүй л санагдаж байна.
Гэхдээ л шинэ юманд болгоомжтой хандахгүй бол бас л хэцүү л дээ.
Хамгийн эхний энгийн алдаа бол skylink.mn сайт дээрээ өөрсдийн шинэ үйлчилгээгээ сурталчилсан бичлэг дээрээ дамжиж орох URL-ээ буруу биччихсэн л харагдаж байсан.
http://webhard.skylink.mn гэж байх ёстой линкийг http://webhard.skylink..mn гээд л биччихсэн байсан. Хамгийн энгийн цэг таслалын алдаа хийгээд админ нь ажлаа муу хийж байна даа. Миний мэдэж байгаагаар засаагүй лав л хоёр долоо хонож байна.

Файл татахад хир зэрэг хурдан байгааг нь одоогоор сайн мэдэхгүй л байна. Гэхдээ файл оруулахад гайгүй хурдтай байх шиг байсан шүү.


Виндоус суулгасны дараа Линуксын Грабыг дахин сэргээх

Виндоус үйлдлийн системийг дахин суулгах шаардлагатай үе гардаг. Хэрэв чи компьютер дээрээ Линукс, Виндоус зэрэг ашигладаг бол виндоусыг дахин суулгасны дараа линукс үйлдлийн систем чинь ачаалахаа больдогыг мэдэх байх. Виндоус нь хардны мастер бүүт дээр зөвхөн өөрийгөө биччихдэг дээрэнгүй үйлдлийн систем учраас линукс ачаалагдахаа болидог юм байна. Надад бас ийм асуудал хэд хэд тулгарсан. Тэгтэл ингээд л шийдчих байсан байна шүү дээ.

Заавар нь энд байна.

Linux Complete Command Reference
















Линукс системийн бүх коммандын тайлбар, Нийт 1500 хуудастай ном. Тун сайн ном байна лээ. Ред Хат корпорацын хэвлэл.
Линукс сурахад тун дажгүй гарын авлага болно.

татах

Миний дэлгэц