Цагаан суваргыг сонсохоор хүн болгонд янз янзын юм бодогддог байх. Зарим нэг нь сайхан аялгуу гэж сонсож, зарим нэг нь энгийн нэгэн аялгуу байна даа гэж бодож байхад зарим нь тоодоггүй байх. Бүр дургүй хүн ч байдаг байх.
Харин би энэ аяыг хэзээ ч хэд ч сонссон уйдахгүйгээр барахгүй сонсох болгонд цээжин дээр юм огшоод, нулимс цийлэгнээд уйлчих гээд байх юм. Яг сонсонгуут л зун очиж амардаг байсан Архангай аймгын Жаргалант сумын Мухар Тээлийн гол, эмээ минь, эмээгийн минь гэр, гадаа хураасан үхэр тэрэг, тэргэн дээр байх цартай ааруул, бурхантай бор авдар, аавын минь төрсөн Хөх өвөрийн өвөлжөө, ард дүнхийх Хүрэн өвөр уул, Чулуутын гол, ууланд идээшилж байгаа хонь мал гээд л хөдөөний ахуй маань тэр чигээрээ нүдэнд харагдаад байдаг юм.
Сонсоод л баймаар.
Цагаан суварга
Posted by baterdene Labels: Бодол, Видео, Дуу хөгжим, Миний тухай at 14:57
0 сэтгэгдэлтэй:
Post a Comment