Энэ бол миний амьдрах луйврын хот

Миний цагдаа намайг хамгаална гэж үг байдаг шиг санаж байна. Ямар худлаа үг вэ.

7 сарын 8нд намайг хамгаалах ёстой миний цагдаа машинаа барьж явахдаа утсаар ярьж яваад машинийг минь шүргэчихээд зугтав.

73-93 УБГ дугаартай Hyundai Elentra машин модны хоёрын зам дээр шүргэчихээд зугтаачихдаг байгаа. Аймар уур хүрсэн. Зугтахаар нь хойноос нь гүйцэж очоод зогсоотол цагдаа хүн байсан гээч. Намайг очиход ч утсаараа ярьж дуусаагүй байсан гэж байгаа. Тэгснээ намайг харангуутаа утсаараа "За за дараа ярья. Энд нэг хүнтэй уулзаадхая" гэж авдийн. Та одоо цагдаа хүн байж осол гаргачихаад зугтаад нтэр гэсэн чинь машинаасаа бууж ирэнгүүтээ аймар баавартай "Чи юун сүртэй юм бэ? Утсаар ярьж байгаад мэдсэнгүй ш дээ" гэж авсан. Тэгснээ тохирий, 20 цаас өгий гэсэн хэхэ. Би ч "энийг засуулахад 20 байтугай гарна, юухэв цагдаа дуудаад шийдүүлчихье хэн хэндээ амар" гэсэн чинь өнөөх цагдаа гуай "за за Ветнам засвар ороод үзүүлье" гэж байнаа. Надад замын цагдаатай зууралдах сонирхол бас байхгүй байсан болохоор за за явья юу ч гэсэн бичиг баримтаа надад өгчих гэсэн чинь "Ах нь цагдаа хүн, санаа зоволтгүй дээ" гэж байна. Би ч хэлсэнд нь итгэчихсэн, за та араас дагаад яваарай гээд өөрөө дагуулаад явах санаатай машиндаа суугаад хөдөллөө. Тэгсэн чинь нөгөөдөх чинь байхгүй шууд эргээд, хороолол руу алга болоод өгсөн. Ингээд л хулхидуулаад, хохироод хоцорсон доо.

Тэр энгийн нэг хүн байсан бол би юм бодохгүй ээ. Цагдаа хүн байж ийм явдал гаргасанд нь л уур хүрч байгаа. Би ч тэр эрчээрээ Баянгол дүүргийн замын цагдаа ортол орой 6 өнгөрөөд ажил тарчихжээ. Нэг өрөөнд сууж байсан хоёр цагдаад хамаг учраа хэлтэл, чи яг тэр үед байрандаа зогсоод, цагдаа дуудах ёстой байсан юм, одоо ямар ч нэмэргүй гэсэн. Ингээд л яах ч аргагүй болов оо. Машин дээр гарсан зураас, халцарсан будганд би юм бодохгүй ээ. Төрийн хувцастай цагдаа хүнд мэхлүүлсэндээ л шар гозойгоод, гомдоод байх юм. Одоо тэр хүнд хуулийн дагуу арга хэмжээ лав авч чадахгүй юм байна лээ.

Тэр цагдаатай ахиж нэг тааралдах юмсан. Эрийн муу цагдаа гэж үнэн үг юм даа. Түүний төрийн хувцас лав одоо надад хамаагүй болсон ...